الماتى قالاسى تۇركسىب اۋدانى اكىمىنىڭ ورىنباسارى نايل لەبايەۆ وڭىرلىك كوممۋنيكاسيالار قىزمەتىنىڭ بريفينگىندە اۋىز سۋ جانە كارىز ماسەلەلەرى قالاي شەشىلىپ جاتقانىن ايتتى. ەكىنشى جىل اۋداندا 2020-2024 جىلدارعا ارنالعان «جاڭا الماتى» شەت ايماقتاردى دامىتۋدىڭ كەشەندى جوسپارى بەلسەندى جۇزەگە اسىرىلۋدا، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
نايل لەبايەۆ وتكەن جىلى "المەرەك"، "قايرات"، "نۇرشاشقان" شاعىناۋداندارىندا 2500-دەن استام ءۇيدى قامتىعان سۋمەن جابدىقتاۋ جانە سۋدان بۇرۋ جەلىلەرىنىڭ قۇرىلىسى اياقتالعانىن ەسكە سالدى.
«وسى جىلدىڭ ناۋرىز ايىندا تومەنگى پياتيلەتكا اۋدانىندا 4120 ءۇيدى قامتيتىن سۋمەن جابدىقتاۋ جانە سۋدان بۇرۋ جەلىلەرىنىڭ قۇرىلىسى باستالدى، وندا 16 000-نان استام تۇرعىن تۇرادى. جەلىلەردى سالۋدى 2023 جىلى اياقتاۋ جوسپارلانىپ وتىر. سونىمەن قاتار، "جاس قانات" شاعىناۋدانىندا مونتاجداۋ جۇمىستارى جۇرگىزىلۋدە، وندا 2500 تۇرعىندى قامتيتىن 530 ۇيگە سۋ جۇرگىزىلەدى. جۇمىستار وسى جىلدىڭ سوڭىندا اياقتالادى»، - دەدى ن. لەبايەۆ.
سونىمەن قاتار، زاكارپاتسكايا كوشەسى بويىندا سۋ قۇبىرى جانە سۋدان بۇرۋ جەلىلەرىنىڭ قۇرىلىسى جۇرگىزىلۋدە (70 ابونەنت)، قازىرگى ۋاقىتتا كونكۋرستىق راسىمدەر جۇرگىزىلۋدە، اياقتالۋ مەرزىمى - 2022 جىلدىڭ قىركۇيەك ايى. قۇرىلىس-مونتاج جۇمىستارىن جىل سوڭىنا دەيىن اياقتاۋ جوسپارلانىپ وتىر.
سونداي-اق، "شۋاقتى" شاعىناۋدانىندا (400 ابونەنت) سۋ قۇبىرى مەن كارىزدىڭ تاراتۋ جەلىلەرىنىڭ قۇرىلىسى باستالدى. جۇمىستاردى 2023 جىلدىڭ سوڭىنا دەيىن اياقتاۋ جوسپارلانىپ وتىر.
اۋدان اكىمىنىڭ ورىنباسارى "ماياك" شاعىناۋدانىندا سۋ قۇبىرى جانە كارىز جەلىلەرىنىڭ قۇرىلىسىنا جسق ازىرلەۋ تۋرالى دا ايتىپ بەردى. سونداي-اق، سۋ "قايرات" شاعىناۋدانىنا، بۇقتىرما كوشەسىنىڭ وڭتۇستىگىنە (شىعىس قاقپاسى) وتەدى. "المەرەك" شاعىناۋدانىندا 261 ۇيگە سۋ جانە 517-گە سۋدان بۇرۋ جەلىلەرى تارتىلادى.
نايل لەبايەۆ تۇراقتى ەلەكترمەن جابدىقتاۋعا بايلانىستى ماسەلەلەردى نازاردان تىس قالدىرعان جوق. ونىڭ ايتۋىنشا، «تۇزدىباستاۋ» قوسالقى ستانسياسىنىڭ قۇرىلىسى جالعاسۋدا. ىسكە قوسۋ مەرزىمى – 2023 جىلدىڭ ءى توقسانى. سونىڭ ناتيجەسىندە بۇل ماسەلەلەر "قايرات" جانە "نۇرشاشقان" شاعىناۋداندارىندا جويىلاتىن بولادى. جىل سوڭىنا دەيىن "المەرەك"، "نۇرشاشقان"، "شۋاقتى" شاعىناۋداندارىنىڭ ىشىندە ەلەكترمەن جابدىقتاۋدىڭ تاراتۋ جەلىلەرى سالىنادى.
ءسوز سوڭىندا سپيكەر تۇركسىب اۋدانى ماگيسترالدىق گاز جەلىسىمەن 99% قامتىلعانىن حابارلادى. اۋداندا بارلىعى 25 128 جەكە مەنشىك ءۇي، ونىڭ ىشىندە 24 963 ءۇي گازداندىرىلعان. 165 ءۇي گازعا قوسىلماعان بولىپ قالا بەرەدى. بۇل رەتتە 95-كە گاز ماگيسترالى تارتىلدى، ونىڭ ىشىندە 19 ءۇي قوسىلۋ ساتىسىندا، 76 ۇيدە وبەكتيۆتى سەبەپتەر بويىنشا مەردىگەرلىك ۇيىمدارمەن ىشكى مونتاجداۋعا ارنالعان شارت جوق جەر (ۋچاسكەلەرىندە قۇرىلىستاردىڭ بولماۋى، اياقتالماعان قۇرىلىستار، ۋاقىتشا قۇرىلىستار، زاڭداستىرىلماعان ءۇي قۇرىلىستارى).
جەكە ينۆەستيسيالار ەسەبىنەن جاڭادان سالىنعان 70 ۇيگە گاز ماگيسترالىنىڭ قۇرىلىسى جۇرگىزىلۋدە، اياقتالۋ مەرزىمى – 2022 جىلدىڭ قىركۇيەگى. بۇل رەتتە دەمەۋشىلەر ەسەبىنەن وتكەن جىلى الەۋمەتتىك جاعىنان وسال 25 وتباسىنىڭ ءۇيى گازعا قوسىلعانىن ايتا كەتۋ كەرەك.