114 كوشەگە جاڭا تروتۋارلار سالىندى
اعىمداعى كەزەڭدەگى جوندەۋ ناۋقانىنىڭ قورىتىندىلارى تۋرالى اۋدان اكىمى باقىتجان اقجاروۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ايتىپ بەردى، دەپ حابارلايدى Almaty-akshamy.kz.
2016 جىلدان باستاپ 2021 جىلعا دەيىن جول جوندەۋشىلەر 100 كوشەدە اسفالتتى جوندەپ، 70 شاقىرىمنان استام جولدى رەتكە كەلتىردى.
باقىتجان اقجاروۆ اۋداندا جول ينفراقۇرىلىمىن دامىتۋ جىل سايىن جۇرگىزىلىپ جاتقانىن اتاپ ءوتتى. مىسالى، بيىل جالپى ۇزىندىعى 15،3 كم بولاتىن 21 كوشەدەگى جولدارعا ورتاشا جوندەۋ جۇرگىزىلدى.
«بيىل نۇرشاشقان، المەرەك جانە قايرات شاعىن اۋداندارىنىڭ 149 كوشەسىندە جول جابىنىنىڭ كۇردەلى قۇرىلىسى بويىنشا جۇمىستار اياقتالدى»، - دەدى اۋدان اكىمى.
سونىمەن قاتار، 114 كوشەگە جاڭا تروتۋارلار سالىندى. بيىل ولار 11 كوشەدە جاسالدى، جالپى ۇزىندىعى – 9،5 كم.
2022 جىلى بۇقتىرما كوشەسى مەن قۇلجا تراكتىسىنىڭ قيىلىسىنداعى كولىك جولايرىعىنىڭ قۇرىلىسىن اياقتاۋ جوسپارلانۋدا. قازىرگى كەزدە ەكى ەستاكادانىڭ بىرىندە اۆتوكولىك قوزعالىسى ىسكە قوسىلدى، بۇل وسى ۋچاسكەدەگى جۇكتەمەنى ازايتۋعا مۇمكىندىك بەردى.
اۋدان اكىمدىگى كوشەلەردى جارىقتاندىرۋعا ەرەكشە نازار اۋدارادى. وتكەن جىلى 614 ۋچاسكەگە اعىمداعى جوندەۋ جۇرگىزىلدى، 338،5 كم كابەل تارتىلدى، 8 463 بىرلىك كرونشتەيندەر مەن شامدار ورناتىلدى. وسى جىلدىڭ سوڭىنا دەيىن 91 ۋچاسكەنى جارىقتاندىرۋ بويىنشا جۇمىستاردى اياقتاۋ جوسپارلانۋدا.
«الماتى قالا جارىق» سىرتقى جارىقتاندىرۋ جەلىلەرىن مودەرنيزاسيالاۋ اياسىندا جانسۇگىروۆ كوشەسى مەن قاپشاعاي كوپىرى بويىنا جالپى ۇزىندىعى 7 كم 258 جارىقتاندىرۋ تىرەكتەرىن ورناتۋ جۇمىستارى اياقتالدى.
اعىمداعى جىلدىڭ سوڭىنا دەيىن اۋداننىڭ جارىعى جوق 91 ۋچاسكەسىن جارىقتاندىرۋ جوسپارلانۋدا.