الماتىنىڭ تۋريزم سالاسى 2024 جىلى ايتارلىقتاي ءوسىم كورسەتتى.
2024 جىلدىڭ ءۇش توقسانىندا الماتىعا 1،7 ميلليون ادام كەلدى، بۇل 2023 جىلدىڭ وسى كەزەڭىمەن سالىستىرعاندا 14،2%-عا كوپ، دەپ حابارلايدى aqshamnews.kz.
قوناقتار سانىنىڭ ارتۋى قالا ەكونوميكاسىنا تىكەلەي اسەر ەتتى: تۋريزم سالاسىنان تۇسكەن سالىقتىق تۇسىمدەرى 11 ايدا 85،5 ميلليارد تەڭگەگە جەتىپ، وتكەن جىلعى كورسەتكىشتەن 2 ەسەگە ارتتى.
نەگىزگى كاپيتالعا سالىنعان ينۆەستيسيا 92،9 ميلليارد تەڭگەگە جەتىپ، وتكەن جىلمەن سالىستىرعاندا 12%-عا ءوستى. جەكە قاراجات ەسەبىنەن قالادا 35 جاڭا ورنالاستىرۋ نىسانى اشىلدى، ونىڭ ىشىندە 20 ءقوناقۇي، 4 گلەمپينگ، 8 حوستەل جانە 3 قوناق ءۇي بار. بۇل 836 بولمە قوسىپ، تۋريستەردى قابىلداۋ ينفراقۇرىلىمىن ايتارلىقتاي نىعايتتى.
بۇل ناتيجەلەر الماتىنىڭ جوعارى ينۆەستيسيالىق تارتىمدىلىعىن جانە بيزنەستى دامىتۋعا قولايلى جاعداي جاساۋ باعىتىنداعى ءتيىمدى جۇمىستى كورسەتەدى. 2025 جىلى قالا ينۆەستورلاردى تارتۋدى، تۋريستىك ينفراقۇرىلىمدى دامىتۋدى جانە حالىقارالىق ارەناداعى ورنىن نىعايتۋدى جالعاستىرىپ، الماتىنى ورتالىق ازيانىڭ جەتەكشى تۋريستىك باعىتى رەتىندە ودان ءارى ىلگەرىلەتۋدى جوسپارلاپ وتىر.