13-17 قاڭتار ارالىعىندا استانادا العاش رەت IZhO – 2025 ماتەماتيكا، فيزيكا جانە ينفورماتيكا پاندەرىنەن رەسپۋبليكالىق فيزيكا-ماتەماتيكا مەكتەبى مەن ق ر وقۋ-اعارتۋ مينيسترلىگىنىڭ «دارىن» رعپو ۇيىمداستىرۋىمەن XXI حالىقارالىق جاۋتىكوۆ وليمپياداسى وتەدى.
وعان قازاقستان، قىرعىزستان، وزبەكستان، تۇرىكمەنستان، تاجىكستان، رەسەي، بەلارۋس، ارمەنيا، ءازىربايجان، تۇركيا، گرۋزيا، بولگاريا، رۋمىنيا، سەربيا جانە موڭعوليا سەكىلدى الەمنىڭ 15 ەلىنەن 700-گە جۋىق وقۋشى مەن 150 جەتەكشى قاتىسادى. كوماندالاردىڭ قۇرامى ۇلتتىق پاندىك وليمپيادالاردىڭ قورىتىندىسى بويىنشا انىقتالادى، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، وليمپيادا بەس كۇنگە سوزىلادى جانە ەكى كەزەڭنەن تۇرادى. تاپسىرمالار كۇردەلىلىگى بويىنشا مامانداندىرىلعان سىنىپتار باعدارلاماسىنا سايكەس كەلەدى جانە ولاردى حالىقارالىق قازىلار القاسى قۇراستىردى. قازىلار القاسىنىڭ ءتوراعاسى بەلگىلى قازاقستاندىق عالىم-ماتەماتيك، پروفەسسور، ق ر ۇلتتىق عىلىم اكادەمياسىنىڭ اكادەميگى اسقار جۇمادىلدايەۆ.
«ماتەماتيكا، فيزيكا جانە ينفورماتيكا پاندەرىنەن وقۋشىلارعا ارنالعان حالىقارالىق جاۋتىكوۆ وليمپياداسى ەلىمىزدە 21ء-شى رەت وتكىزىلۋدە. بيىل ول العاش رەت استانادا وتەدى. قاتىسۋشىلار تەحنيكالىق جاراقتاندىرىلۋى وسى وليمپيادانى وتكىزۋ شارتتارىنا تولىق سايكەس كەلەتىن رەسپۋبليكالىق فيزيكا-ماتەماتيكا مەكتەبى مەن Astana IT ۋنيۆەرسيتەتىنىڭ اۋديتوريالارىندا تەوريالىق جانە پراكتيكالىق كەزەڭدەردە ءوز بىلىمدەرىن سىنايدى»، - دەپ اتاپ ءوتتى «دارىن» رعپو ديرەكتورى عاجەمبەك تۇرسىنوۆ.
جاۋتىكوۆ وليمپياداسىنىڭ قورىتىندىسى بويىنشا قاتىسۋشىلار قاتىسۋ سەرتيفيكاتتارى مەن ەستەلىك سىيلىقتار، ال جەڭىمپازدار مەن جۇلدەگەرلەر – ءتۇرلى دارەجەلى ديپلومدار، سونداي-اق التىن، كۇمىس جانە قولا مەدالدارمەن ماراپاتتالادى.
ەستەرىڭىزگە سالا كەتەيىك، حالىقارالىق جاۋتىكوۆ وليمپياداسى 2005 جىلدان بەرى ق ر وقۋ-اعارتۋ مينيسترلىگىنىڭ قولداۋىمەن وتكىزىلىپ كەلەدى. ماقساتى - وقۋشىلار اراسىندا فيزيكا-ماتەماتيكا عىلىمدارىن ناسيحاتتاۋ، حالىقارالىق ىنتىماقتاستىقتى دامىتۋ، ءتۇرلى ەلدەردىڭ مامانداندىرىلعان مەكتەپتەرى اراسىندا دوستىق قارىم-قاتىناس ورناتۋ، تاجىريبە الماسۋ، سونداي-اق قازاقستاننىڭ ءبىلىمى مەن مادەنيەتىن پاش ەتۋ.