2024 جىلى الماتىدا ەسىرتكىنىڭ زاڭسىز اينالىمىنا بايلانىستى 716 بۇزۋشىلىق انىقتالدى، ونىڭ ىشىندە — 1 توننادان استام تىيىم سالىنعان زاتتار تاركىلەنىپ، 23 ەسىرتكى زەرتحاناسى جويىلدى، دەپ حابارلايدى aqshamnews.kz.
بۇل دەرەكتەر وڭىرلىك كوممۋنيكاسيالار قىزمەتىنىڭ الاڭىندا ايتىلدى.
الماتى قالاسى پد ەسىرتكى قىلمىسىنا قارسى ءىس-قيمىل باسقارماسىنىڭ اسا ماڭىزدى ىستەر جونىندەگى اعا جەدەل ۋاكىلى داۋرەن كوبەيەۆتىڭ اقپاراتىنا سايكەس، ينتەرنەت ارقىلى كونتاكت جاساماي-اق، تاراتىلاتىن سينتەتيكالىق ەسىرتكىلەر اسا ءقاۋىپ توندىرەدى. ءبىر جىل ىشىندە «ەسىرتكى قويىپ كەتۋشى» دەپ اتالاتىن 105 ادام ۇستالدى، بۇل وتكەن جىلعى كورسەتكىشتەن الدەقايدا جوعارى.
«تامىز ايىندا اسا ءىرى وپەراسيا جۇرگىزىلدى: پسيحوتروپتىق زاتتاردى جاسىرىن ءوندىرۋدىڭ ءۇش ۇيىمداستىرۋشىسى ۇستالدى، 20،6 كگ — نان استام « مەفەدرون» جانە 750 كگ پرەكۋرسورلار، سونداي-اق 800-گە جۋىق الدىن الا ورالعان ەسىرتكى بايلامى تاركىلەندى»، - دەدى د.كوبەيەۆ.
ناشاقورلىققا قارسى كۇرەس اياسىندا 2024 جىلى ەسىرتكى ساتۋشىلارمەن بايلانىسقان 12 200 گراففيتي بويالىپ، بۇعاتتاۋ ءۇشىن «كيبەرنادزورعا» جىبەرىلگەن 623 ينتەرنەت-سايت انىقتالدى.
وتكەن جىلى قالادا حالىقتىڭ ەسىرتكىگە قارسى يممۋنيتەتىن قالىپتاستىرۋ ماقساتىندا 715 پروفيلاكتيكالىق ءىس-شارالار، سونىڭ ىشىندە اكسيالار، سەمينارلار مەن دوڭگەلەك ۇستەلدەر وتكىزىلدى.
«ءبىز جەدەل-ىزدەستىرۋ ءىس — شارالارىنا عانا ەمەس، سونىمەن قاتار قالا تۇرعىندارى ءۇشىن ءقاۋىپسىز اقپاراتتىق ورتا قۇرا وتىرىپ، بەلسەندى پروفيلاكتيكالىق جۇمىستارعا دا نازار اۋدارامىز»، - دەپ اتاپ ءوتتى پدب وكىلى.
42 مەترو مونيتورلارى مەن 129 LED ەكراندارىندا تانىمال سپورتشىلاردىڭ قاتىسۋىمەن الەۋمەتتىك بەينەلەر كورسەتىلەدى، سونىمەن قاتار بارلىق تۇرعىندار ءۇشىن قولجەتىمدى ءانونيمدى سەنىم تەلەفونى (WhatsApp 8-705-549-70-25) تۋرالى اقپارات ورنالاستىرىلعان.