گيدرومەتەورولوگيالىق قىزمەتتىڭ بولجامىنا سايكەس، تۇندە سىرتقى اۋا تەمپەراتۋراسىنىڭ + 2 گرادۋسقا دەيىن تومەندەپ، جاۋىن-شاشىن تۇسەدى، بۇل تۇرعىن ءۇي-جايلاردىڭ سالقىنداۋعا اكەلەدى، دەپ حابارلايدى almaty-akshamy.kz.
ەستەرىڭىزگە سالا كەتەيىك، مەگاپوليستە 10 قازاندا بالاباقشالار، مەكتەپتەر مەن اۋرۋحانالار جىلۋعا بىرتىندەپ قوسىلىپ، جىلىتۋ ماۋسىمى باستالدى. الماتى قالاسىنىڭ اكىمى ەربولات دوسايەۆ ساناتى بويىنشا نىسانداردى كەزەڭ-كەزەڭىمەن قوسۋ ءۇشىن ءتيىستى قاۋلىعا قول قويدى. الەۋمەتتىك نىسانداردان كەيىن الداعى دەمالىس كۇندەرى تۇرعىن ۇيلەر مەن اكىمشىلىك عيماراتتارعا جىلۋ كەزەڭ-كەزەڭىمەن بەرىلەدى. ءقازىر جىلۋ جەلىلەرىنىڭ اينالىمى (قۇبىرلاردى جىلىتۋ) بويىنشا جۇمىستار جۇرگىزىلىپ وتىر.
الماتىدا بارلىعى 214 مەكتەپ، 190 بالاباقشا، 128 اۋرۋحانا جانە 8836 كوپپاتەرلى تۇرعىن ءۇي ورتالىق جىلىتۋعا قوسىلادى.
ەنەرگەتيكا جانە سۋمەن جابدىقتاۋ باسقارماسىنىڭ مالىمەتىنشە، قالالىق جەلىلەر مەن جىلۋمەن جابدىقتاۋ جۇيەلەرى 100% دايىن. وسى جىلدىڭ جىلۋارالىق كەزەڭىندە الماتىدا 17 كم استام جىلۋمەن جابدىقتاۋ جەلىلەرى، 120 كم ەلەكترمەن جابدىقتاۋ، 43 كم سۋمەن جابدىقتاۋ، 29 كم گازبەن جابدىقتاۋ قايتا جاڭارتىلىپ، جوندەلۋدە.
ايتا كەتەيىك، تۇتىنۋشىلاردى جىلۋمەن جابدىقتاۋ مىنا رەتپەن جۇزەگە اسىرىلادى:
- بالالار، ەمدەۋ، مەكتەپ مەكەمەلەرى، كاسىپتىك مەكتەپتەر، مەديسينالىق-الەۋمەتتىك مەكەمەلەر:
- تۇرعىن ۇيلەر، جاتاقحانالار، قوناق ۇيلەر؛
- اكىمشىلىك عيماراتتار، وقۋ ورىندارى، تەاترلار جانە ت.ب.