مەملەكەت باسشىسىنا الماتى قالاسىنىڭ بيىلعى 9 ايداعى الەۋمەتتىك-ەكونوميكالىق دامۋىنىڭ الدىن الا قورىتىندىسى تۋرالى باياندادى، دەپ حابارلادى almatty-akshamy.kz.
ەربولات دوسايەۆ بايانداماسىندا:
-قالا ەكونوميكاسىنىڭ قارقىندى ءوسىپ، قىسقا مەرزىمدى ەكونوميكالىق ينديكاتور جىل باسىنان بەرى 13،5 پايىزعا كوتەرىلگەن؛
-وڭدەۋ ونەركاسىبىنىڭ دامۋ قارقىنى (+21%) بويىنشا الماتى ەلىمىزدە تۇراقتى تۇردە ءبىرىنشى ورىندا؛
-مەگاپوليس ەكونوميكاسىنا 1 تريلليون تەڭگەدەن استام ينۆەستيسيا تارتىلدى؛
-جەكە ينۆەستيسيالاردىڭ ءوسىمى 7،3 پايىزدى قۇرادى؛
-بەلسەندى جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 341 مىڭعا دەيىن جەتىپ، 25،8 پايىزعا ارتتى؛
-رەسپۋبليكالىق بيۋدجەتتىڭ ءتۇسىمى 38،4 پايىزعا ءوسىپ، 3،91 تريلليون تەڭگەگە دەيىن جەتتى؛
-جەرگىلىكتى بيۋدجەتتىڭ تۇسىمىنە قاتىستى جوسپار 28،7 پايىزعا (243 ملرد تەڭگە) اسىرا ورىندالدى؛
-جىل باسىنان بەرى 58،7 مىڭ جۇمىس ورنى اشىلدى، ونىڭ 77 پايىزى تۇراقتى جۇمىس ورنى؛
-2023 جىلدىڭ قورىتىندىسى بويىنشا ەكونوميكا ءوسىمىنىڭ قارقىنى 6،5 پايىزعا دەيىن جەتەدى دەگەن بولجام بار؛
سونداي-اق قاسىم-جومارت توقايەۆقا بيىلعى 18 تامىزدا الماتى قالاسىن دامىتۋ ماسەلەلەرى جونىندەگى كەڭەستە بەرىلگەن تاپسىرمالارىنىڭ ورىندالۋ بارىسى تۋرالى ءمالىم ەتىلدى:
-سەيسميكالىق قاۋىپسىزدىكتى قامتاماسىز ەتۋ ءۇشىن جەر سىلكىنىسى تۋرالى الدىن الا حابارلايتىن 28 سەيسموستانسيا ورناتۋ جۇمىستارى تولىعىمەن اياقتالدى. توتەنشە جاعداي كەزىندە ادامدار جينالاتىن 545 ءقاۋىپسىز ورىن انىقتالدى؛
-مەديسينالىق قىزمەت كورسەتۋ ساپاسىن ارتتىرۋ ءۇشىن العاشقى مەديسينالىق-سانيتارلىق كومەكتىڭ ءبىرىڭعاي ستاندارتى ازىرلەندى؛
-جىل باسىنان بەرى ءولىم-جىتىم كورسەتكىشى 11 پايىزعا، انا ءولىمى 32،4 پايىزعا، بالا ءولىمى 35،5 پايىزعا تومەندەدى؛
ء-بىلىم بەرۋ سالاسىندا 4،9 مىڭ وقۋشىعا ارنالعان 10 مەكتەپ جانە 4 قوسىمشا وقۋ كورپۋسى سالىندى؛
-جىل سوڭىنا دەيىن قالاداعى جاسىل-جەلەك كولەمى جان باسىنا شاققاندا 12،3 شارشى مەترگە دەيىن ۇلعايادى؛
-جىل باسىنان بەرى جاسىل-جەلەكتى اۆتوماتتاندىرىلعان سۋارۋ جۇيەسىمەن قامتۋ كورسەتكىشى 3،4 ەسە وسكەن. بيىلعى 9 ايدا 405 گەكتار اۋماقتا جۇمىس جۇرگىزىلدى. جىل سوڭىنا دەيىن بۇل كورسەتكىش 587 گەكتارعا دەيىن جەتكىزىلەدى؛
سونىمەن قاتار، قالا اكىمى مەملەكەت باسشىسى قولداعان باستاما اياسىندا اۋدان اكىمدىكتەرىنە ولاردىڭ بيۋدجەتتەرىن 3،1 ەسەگە، ياعني 184،3 ميلليارد تەڭگەگە دەيىن ۇلعايتا وتىرىپ، 15 فۋنكسيا بەرىلدىگى؛
-بۇگىندە 196 مىڭ شارشى مەتر جولعا اعىمداعى جوندەۋ جۇمىستارى جۇرگىزىلدى. 100 شاقىرىمنان استام سۋمەن جابدىقتاۋ جانە سۋ تارتۋ جەلىلەرى سالىنعانى جايىندا باياندادى.
كەزدەسۋ سوڭىندا قاسىم-جومارت توقايەۆ تۇرعىنداردى ساپالى سۋمەن، سۋ بۇرۋ جەلىلەرىمەن قامتاماسىز ەتۋ، ينۆەستيسيا تارتۋ جونىندەگى شارالاردى كۇشەيتۋ، سونداي-اق الماتى اگلومەراسياسىمەن كولىك بايلانىسىن جاقسارتۋ جونىندەگى جوبالاردى ودان ءارى ىسكە اسىرۋعا ەرەكشە نازار اۋدارۋدى تاپسىردى.
t.me/aqorda_resmi