قورجىنىندا 8 التىن مەدال بار.
قازاقستاندىق وقۋشىلار دۇنيەجۇزىلىك گيمنازيادادا 14 مەدال جەڭىپ الدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى، دەپ حابارلايدى Almaty-akshamy.kz.
«وتكەن اپتادا ءبىز 250-گە جۋىق وقۋشىمىزدى اۋەجايعا بارىپ فرانسياعا شىعارىپ سالدىق. ولار العاش رەت دۇنيەجۇزىلىك گيمنازياداعا قاتىسىپ، الەمنىڭ 70-كە جۋىق ەلىنەن كەلگەن قۇرداستارىمەن ب ا ق سىناسىپ جاتىر. جارىستىڭ العاشقى 3 كۇنىندە وقۋشىلارىمىز 14 مەدال جەڭىپ الدى. ۇلتتىق قۇراما قورجىنىندا 8 التىن، 3 كۇمىس جانە 3 قولا مەدال بار. دزيۋدو، تاەكۆوندو جانە ءجۇزۋ جارىستارىنا قاتىسۋشىلار التىن، جەڭىل اتلەتتەر مەن دزيۋدوشىلار كۇمىس، سونداي-اق دزيۋدوشىلار مەن تاەكۆوندوشىلار قولا جۇلدەگەر اتاندى»، - دەپ جازدى اسحات ايماعامبەتوۆ.
مينيستر بارلىق جەڭىمپازدى لايىقتى جەڭىستەرىمەن قۇتتىقتاي وتىرىپ، ءار مەدالدىڭ ەڭبەكتىڭ، تاباندىلىقتىڭ، ەڭبەكقورلىق پەن ءتارتىپتىڭ جەمىسى ەكەنىن اتاپ ءوتتى.
«جاقسى دايىندىق دەڭگەيىن كورسەتكەن مۇعالىمدەرىڭىز بەن جاتتىقتىرۋشىلارىڭىزعا، سونداي-اق قولداۋ كورسەتكەن اتا-انالارىڭىزعا العىس ايتامىن. اۋەجايدان شىعارىپ سالعاندا سىزدەردىڭ ۇمتىلىستارىڭىزدى، تالپىنىستارىڭىزدى بايقادىم. الداعى ويىنداردا جەڭىستەر تىلەيمىن جانە تۋعان جەردە سىزدەردى اسىعا كۇتىپ، بارلىعى جانكۇيەر بولىپ وتىرعانىن ۇمىتپاڭىزدار»، - دەدى اسحات ايماعامبەتوۆ.
ۆەدومستۆو باسشىسى ءبىلىم جانە عىلىم مينيسترلىگى الداعى ۋاقىتتا دا قازاقستاندى حالىقارالىق دەڭگەيدە ابىرويمەن تانىتۋ ءۇشىن وقۋشىلارعا جاعداي جاساۋدى جالعاستىراتىنىن ايتتى.