بۇل تۋرالى بريفينگتە جەر قاتىناستارى باسقارماسىنىڭ باسشىسى ارداق سامامبەتوۆ ايتتى.
تاريحي ورتالىقتى اباتتاندىرۋ جانە قالا قاجەتتىلىكتەرى ءۇشىن اكىمدىك جەر ۋچاسكەلەرىن ساتىپ الادى، دەپ حابارلايدى Almaty-akshamy.kz
«ناقتى قۇرىلىس سالۋعا جول بەرمەۋ ماقساتىندا تاريحي ورتالىقتىڭ شەكاراسى بەلگىلەندى، ونىڭ شەگىندە مەملەكەت مۇقتاجى ءۇشىن الىپ قويۋعا جانە ساتىپ الۋعا جاتاتىن 20 ۋچاسكە انىقتالدى. قازىرگى ۋاقىتتا ءتورت ۋچاسكە ساتىپ الىندى»، - دەدى ارداق سامامبەتوۆ.
ەمحانا قۇرىلىسى ءۇشىن ليەۆيتان كوشەسىنەن وڭتۇستىككە، گاگارين داڭعىلىنان باتىسقا قاراي جەر تەلىمى تاركىلەندى. سونىمەن قاتار، ءال-فارابي داڭعىلىنان وڭتۇستىككە قاراي جانە سىرعابەكوۆ كوشەسىنەن شىعىسقا قاراي 1،3 گەكتار جەر ءبولىندى. مۇندا الاڭ بۇزىلىپ، 500 كەلۋشىگە ارنالعان ەمحانا سالىنادى.