جۋىردا الماتىداعى تەرگەۋ يزولياتورىندا تىيىم سالىنعان زاتتاردى وتكىزۋدىڭ فاكتىلەرى انىقتالدى.
الماتىدا تەرگەۋ يزولياتورىنا پوشتا ارقىلى كەلگەن تەلەفون تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جۋىردا الماتى قالاسىنداعى تەرگەۋ يزولياتورىندا تىيىم سالىنعان زاتتاردى وتكىزۋدىڭ ەكى فاكتىسى انىقتالدى. بۇل جولى سوتتالعانعا "قازپوچتا" ارقىلى كەلگەن ەلەكتر شاينەگىنىڭ تۇبىنە جاسىرىلعان ۇيالى تەلەفون تابىلدى. ءقازىر تىيىم سالىنعان زاتتى پوشتامەن جىبەرگەن 33 جاستاعى كۇدىكتىگە قاتىستى تەرگەپ-تەكسەرۋ جۇمىستارى جۇرگىزىلىپ جاتىر.
سونىمەن قاتار، سوتتالعانعا جىبەرىلگەن ەسىرتكى ۇنتاعى لا-155/18 مەكەمەسىنىڭ جەدەل ءبولىمىنىڭ اقپاراتى بويىنشا تاركىلەندى. تەرگەۋ يزولياتورىنىڭ سالەمدەمەلەردى قابىلداۋ-تاراتۋ بولمەسىندە قولعا تۇسكەن ادام «سالەمدەمەسىن» اياق كيىمنىڭ ۇلتانىنا جاسىرىپتى. اتالعان فاكت بويىنشا الماتى قالاسى تۇركسىب اۋدانى پوليسيا دەپارتامەنتىنىڭ جەدەل-تەرگەۋ توبى شاقىرىلىپ، زاڭسىز ارەكەت ءپد-نىڭ اقپاراتتى ەسەپكە الۋ كىتابىنا تىركەلدى.