الماتىدا كولىك ۇرىلارى ۇستالدى

ايىپتالۋشىلار قاماۋعا الىندى.

الماتى پوليسياسى كولىك ۇرىلارىن ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

قازىرگى ۋاقىتتا جەدەل ۋاكىلدەر تۇركىستان وبلىسىنىڭ 32 جاستاعى تۋماسى مەن ونىڭ سىبايلاسى 40 جاستاعى ازاماتتىڭ ەسەبىندە كولىك ۇرلاۋدىڭ ءتورت دەرەگى بار ەكەندىگىن انىقتادى.

«كولىك ۇرلاعانداردى اشكەرەلەۋ جانە ۇستاۋ ءىس-شاراسىن ءبىزدىڭ بولىمشە قىزمەتكەرلەرى مەدەۋ اۋداندىق پب-نا قاراستى پوليسيا بولىمىندەگى ارىپتەستەرىمەن بىرلەسىپ جۇرگىزدى. قالانىڭ مەدەۋ اۋدانىندا قاسكويلەر ءتورت كولىكتى ۇرلاپ كەتكەندىگى انىقتالدى. ءقازىردىڭ وزىندە ءۇش كولىك تابىلىپ، زاتتاي ايعاق رەتىندە قىلمىستىق ءىس ماتەريالدارىنا تىركەلدى. ءتورتىنشى كولىك Toyota Vista ءالى تابىلعان جوق. ۇستالعانداردىڭ ءبىرى ۇرلانعان كولىكتەگى اككۋمۋلياتوردى مەتالل قابىلداۋ ورنىنا تاپسىرىپ جاتقان ۆيدەونى تاركىلەدىك»، – دەيدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

ءقازىر پوليسەيلەر ۇستالعانداردىڭ قالادا جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر.