سينگاپۋر مەن كۋالا-لۋمپۋر قالالارىندا الماتىنىڭ تۋريستىك الەۋەتىن تانىتاتىن سىرتقى جارناما ورنالاستىرىلدى. جوبا الماتى قالاسى تۋريزم باسقارماسى مەن AirAsia اۋە كومپانياسى اراسىنداعى ىنتىماقتاستىق اياسىندا جۇزەگە اسىپ، قالانى حالىقارالىق تۋريستەر ءۇشىن قىزىقتى ساياحات نۇكتەسى رەتىندە ناسيحاتتاۋعا باعىتتالعان.
جارنامالىق كونسترۋكسيالار ادامدار مەن كولىك كوپ جۇرەتىن ورىندارعا ورنالاستىرىلدى. كورنەكى ماتەريالداردا اسقاق تاۋلاردىڭ كوركەم كورىنىسى، تابيعي كورىكتى جەرلەر مەن الماتىنىڭ ايشىقتى بەينەسى بەينەلەنگەن. سونداي-اق، «Almaty» جازۋىمەن بىرگە قالاعا ساپار شەگۋگە، ونىڭ بىرەگەي رۋحى مەن ەرەكشە اتموسفەراسىن سەزىنۋگە شاقىراتىن ۇندەۋ بەرىلگەن.
بۇل جارنامالىق ناۋقان الماتىنى حالىقارالىق نارىقتا تانىتۋ جولىنداعى جۇيەلى جۇمىستاردىڭ جالعاسى بولدى. AirAsia X ەنشىلەس كومپانياسى الماتى مەن كۋالا-لۋمپۋر اراسىندا تىكەلەي اۋە رەيستەرىن جۇزەگە اسىرىپ، وڭتۇستىك-شىعىس ازيا ەلدەرىنەن كەلەتىن تۋريستەر ءۇشىن قالانىڭ قولجەتىمدىلىگىن ارتتىرىپ وتىر.
ناۋقان ايماقتان كەلەتىن تۋريستەر سانىن ارتتىرىپ، الماتىنىڭ زاماناۋي ءارى قولجەتىمدى تۋريستىك باعىت رەتىندەگى وڭ ءيميدجىن نىعايتپاق.
