"سپورتتىق الماتى" مەملەكەتتىك باعدارلاماسى شەڭبەرىندە 367،4 مل تەڭگە بيۋدجەت قاراجاتى ۇرلانعانىن انىقتادى.
الماتى قالاسى سپورت باسقارماسىنىڭ بۇرىنعى باسشىسىنا قاتىستى قىلمىستىق ءىستى تەرگەۋ اياقتالدى. اتالعان باسقارمانىڭ لاۋازىمدى تۇلعالارى 367 ملن تەڭگەدەن استام اقشا ۇرلادى دەگەن كۇدىككە ىلىنگەن بولاتىن، دەپ حابارلايدى Almaty-akshamy.kz Zakon.kz-كە سىلتەمە جاساپ.
الماتى قالاسى بويىنشا سىبايلاس جەمقورلىققا قارسى قىزمەت الماتى قالاسى سپورت باسقارماسىنىڭ قىزمەتىندە سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ كەزىندە "سپورتتىق الماتى" مەملەكەتتىك باعدارلاماسى شەڭبەرىندە 367،4 مل تەڭگە كولەمىندە بيۋدجەت قاراجاتى ۇرلانعانىن انىقتادى.
پاندەميا كەزەڭىندە (2020-2021 ج.ج.) باسقارمانىڭ بۇرىنعى باسشىسى جانە ونىڭ قاراماعىنداعىلار ج ش س ديرەكتورىمەن الدىن الا ءسوز بايلاسۋ بويىنشا كوروناۆيرۋس ينفەكسياcىنا بايلانىستى باقىلاۋدى جانە شەكتەۋلەردى السىرەتۋدى پايدالانا وتىرىپ، ج ش س ديرەكتورىنىڭ تۋىستارىنىڭ بانكتىك شوتتارىنا اقشالاي قاراجاتتى نەگىزسىز اۋدارۋ جولىمەن بيۋدجەت قاراجاتىن ۇرلاعانى انىقتالدى. وسىلايشا، بۇرىنعى باسشى الەۋەتتى قىزمەت كورسەتۋشىلەرگە مەملەكەتتىك ساتىپ الۋدى وتكىزۋ راسىمىنە قاتىسۋ ءۇشىن تەڭ مۇمكىندىكتەر بەرمەي، جشس-مەن زاڭسىز شارت جاساسۋدى قامتاماسىز ەتتى.
شارت جاسالعاننان كەيىن پاندەميا سىلتاۋىمەن قوسىمشا كەلىسىمگە قول قويىلدى، ونىڭ تالاپتارى بويىنشا سپورتتىق ءىس-شارالاردى وتكىزۋ وندىرىلەتىن شىعىنداردىڭ كورىنەۋ جوعارى قۇنىمەن ق ر سپورت تۇرلەرىنىڭ تىزىلىمىنە ەنگىزىلمەگەن ونلاين جاتتىعۋلار مەن تۋرنيرلەردى وتكىزۋگە اۋىستىرىلدى.
«كەلىسىم شەڭبەرىندە مەملەكەتتىك ساتىپ الۋ ارقىلى سپورتتىق قۇرال-جابدىقتاردى جالعا الۋعا، سەرتيفيكاتتار مەن كۋبوكتار ساتىپ الۋعا جالعان شارتتار رەسىمدەلدى. ورىندالعان جۇمىستاردىڭ جالعان اكتىلەرىنە سايكەس بۇقارالىق سپورت تۇرلەرىن جانە ءداستۇرلى سپورتتىق-بۇقارالىق ءىس-شارالاردى ناسيحاتتاۋعا جانە دامىتۋعا باعىتتالعان 452 ءىس-شارا وتكىزىلدى»، - دەلىنگەن حابارلامادا.
قازىرگى ۋاقىتتا قىلمىستىق پروسەسكە قاتىسۋشىلار ءىس ماتەريالدارىمەن تانىستى.