قالا كۇنىنە وراي الماتى حالىقارالىق اۋەجايىندا تۋريستەردى المامەن قارسى الادى
الماتى قالاسى كۇنىن مەرەكەلەۋ اياسىندا الماتى قالاسىنىڭ تۋريزم باسقارماسى الماتى حالىقارالىق اۋەجايىمەن جانە ق ر ۇقك شەكارا قىزمەتىنىڭ الماتى شەكارالىق باقىلاۋ باسقارماسىمەن بىرلەسىپ «الماتىنىڭ سيمۆولىن سىيلايمىز» اكسياسىن ۇيىمداستىرادى، دەپ حابارلايدى Almaty-fkshamy.kz.
14-17 قىركۇيەك ارالىعىندا حالىقارالىق جولاۋشىلار تەرمينالىنداعى پاسپورتتىق باقىلاۋ ايماعىندا شەتەلدىك قوناقتارعا وڭتۇستىك مەگاپوليستىڭ جىلۋى مەن قوناقجايلىلىعىن بەينەلەيتىن جەرگىلىكتى المامەن قارسى الاتىن بولادى. سونداي-اق تۋريستەرگە الداعى كۇندەرگە ارنالعان مادەني-بۇقارالىق جانە ويىن-ساۋىق ءىس-شارالارىنىڭ ءتىزىمىن قامتيتىن ءىس-شارالار كۇنتىزبەسى تاراتىلادى.
الماتىدا وسى اي بويى كورمەلەر، ادەبي كەشتەر، قايىرىمدىلىق جانە ەكولوگيالىق اكسيالار، فلەشموبتار، كونكۋرستار، سپەكتاكلدەر، كونسەرتتەر، سپورتتىق تۋرنيرلەر، جاپپاي جارىستار جانە ت.ب. وتەدى. وسىلاي، تۋريستەر قالادا بولعان ۋاقىتىندا مادەني ءىس-شارالاردان باستاپ سپورتتىق ءىس-شارالارعا دەيىنگى ويىن-ساۋىقتىڭ الۋان ءتۇرىن تاماشالاي الادى.
