كەڭساي زيراتىنان قارۋ تابىلدى.
الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتى №72 مەكەمەسى جەدەل ءبولىمىنىڭ اقپاراتى بويىنشا الماتى قالاسى پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسىمەن بىرلەسىپ وتكىزىلگەن جەدەل-ىزدەستىرۋ ءىس-شاراسىنىڭ ناتيجەسىندە كەڭساي زيراتىنىڭ ماڭىنان يج جانە توز ەكى تەگىس ۇڭعىلى مىلتىق، ۋرال ءبىر مىلتىق جانە پاتروندار تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«سونداي-اق اتالعان مەكەمە جەدەل قىزمەتكەرلەرىنىڭ اقپاراتى بويىنشا تۇركسىب اۋدانىنا قاراستى ايماقتان دا تەگىس ۇڭعىلى ءبىر مىلتىق پەن پاتروندار تابىلدى. اتالعان فاكتىلەر بويىنشا مەدەۋ جانە تۇركسىب اۋداندىق پوليسيا باسقارمالارىنان جەدەل-تەرگەۋ توبى شاقىرىلىپ، تىركەلگەن فاكت بويىنشا قىلمىستىق كودەكستىڭ 287-بابى، 1ء-بولىمى بويىنشا قىلمىستىق ءىس قوزعالدى»، – دەپ حابارلايدى الماتى قالاسى، الماتى جانە جەتىسۋ وبلىستارى قاجد باسپا ءسوز قىزمەتى.