جامبىل وبلىسىنىڭ ەكى تۇرعىنى قالانىڭ المالى جانە بوستاندىق اۋداندارىندا جۇرگەن.
جاي ءجۇرىپ قويماي، بوتەننىڭ پاتەرلەرىنە كىرىپ، زاتتاردى ۇرلاعان. قىلمىستىق جۇپتىڭ 10 ۇرلىققا قاتىسى بار، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قاسكويلەر ستاندارتتى تىزبەك بويىنشا ارەكەت ەتتى. ولار اۋلالاردى ارالاپ، كوپ قاباتتى ۇيلەردىڭ تەرەزەلەرى مەن كىرەبەرىستەرىن قاراپ، پاتەردە بىرەۋدىڭ بار-جوعىن تەكسەردى، كىرەبەرىسكە كىرىپ، كىلت تاڭداۋ نەمەسە قۇلىپتى بۇزۋ ارقىلى پاتەرگە كىرەتىن ەسىكتى اشىپ، ۇيدەگى قۇندىلىعى بار زاتتاردىڭ ءبارىن الىپ شىقتى. بۇل – قولما-قول اقشا، شاعىن تەحنيكا، ءارتۇرلى زەرگەرلىك بۇيىمدار. بىرەۋى بوتەن ادامنىڭ ۇيىندە يەلىك ەتىپ جۇرگەندە، ەكىنشىسى كولىكتە كۇتىپ وتىرعان»، – دەيدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
سپيكەردىڭ ايتۋىنشا، بوستاندىق اۋداندىق پب كپب ارنايى توبىنىڭ قىزمەتكەرلەرىمەن جانە پوليسيانىڭ ارنايى جاساعىنىڭ كومەگىمەن جەدەل-ىزدەستىرۋ ءىس-شارالارى بارىسىندا 1996 جىلى تۋعان س.ەسىمدى ازامات جانە ونىڭ سەرىگى 2000 جىلعى س.ەسىمدى ازامات ۇستالدى.
سوڭعى ۇرلىقتا پاتەردەن سيفرلىق تەحنيكا مەن قاراجات جوعالىپ كەتتى. كۇدىكتىلەر زاتتاي ايعاقتاردان قۇتىلىپ ۇلگەرمەدى. ولار ۇستاۋ كەزىندە تاركىلەندى جانە قىلمىستىق ىسكە قوسىلدى. قازىرگى ۋاقىتتا “قىلمىستىق دۋەتتىڭ” مۇشەلەرى ۋاقىتشا ۇستاۋ يزولياتورىنا قامالدى. ق ر قك-نىڭ 188-بابى 3-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.
«ايتپاقشى، بۇرىن كۇدىكتىلەردىڭ زاڭعا قاتىستى ماسەلەلەرى بولعان. ال ۇستالعانداردىڭ ءبىرى قازاقستاننىڭ باسقا ايماقتارىندا ءبىرقاتار ۇرلىق جاساعانى ءۇشىن حالىقارالىق ىزدەۋدە بولعان. ءقازىر ەكەۋىنىڭ دە جالپى قالا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعى تەكسەرىلىپ جاتىر»، – دەدى قۋاتبەك ناۋاتوۆ.