الماتىدا “قۇقىقتىق ءتارتىپ” جەدەل الدىن الۋ ءىس-شاراسى اياسىندا جول قوزعالىسى ەرەجەلەرىن قاساقانا بۇزىپ، ايىپپۇل تولەمەيتىن جۇرگىزۋشىلەردى انىقتاۋ جۇمىستارى جالعاسىپ جاتىر، دەپ حابارلايدى Almaty-akshamy.kz
«ولاردىڭ ءبىرى – قىرعىزستاندا تىركەلگەن Nissan اۆتوكولىگىمەن الماتى قالاسىندا جول قوزعالىسى ەرەجەسىن بۇزعان 31 جاستاعى م.ەسىمدى ازامات. جۇرگىزۋشىگە قاتىستى ق ر اقبتك-نىڭ 590-بابى 3-بولىگى (كولiك قۇرالدارىن پايدالانۋ قاعيدالارىن بۇزۋ) جانە ق ر اقبتك-نىڭ 612-بابى 1-بولىگى (قۇجاتتارى جوق جانە باسقارۋ قۇقىعى جوق ادامنىڭ كولiك قۇرالىن باسقارۋى) بويىنشا اكىمشىلىك ءىس جۇرگىزۋ ماتەريالدارى جيناقتالدى. كولىك قۇرالى مامانداندىرىلعان ايىپپۇل تۇراعىنا قويىلدى»، – دەدى الماتى قالاسى پد ءاپب-نىڭ اكىمشىلىك تاجىريبە ءبولىمىنىڭ اعا ينسپەكتورى ايدوس كەڭەس.
سونداي-اق الماتى پوليسياسى قۇقىق بۇزۋشىلىققا مۇلدەم توزبەۋشىلىك قاعيداتتارىن قامتاماسىز ەتۋ ماقساتىندا قۇقىق بۇزۋشىلىق ءۇشىن جازانىڭ بۇلتارتپاستىعى تۋرالى ەسكە سالدى. اۆتوماتتاندىرىلعان اقپاراتتىق جۇيەلەردىڭ مۇمكىندىكتەرى كەڭىنەن قولدانىلۋدا، ونىڭ ىشىندە، سالىنعان اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە ەسەپتەيتىن “قورعاۋ – ءقاۋىپتى جۇرگىزۋشى”.