قالداياقوۆ كوشەسى، ۋچ.19. بويىندا ورنالاسقان نىسان زاڭسىز دەپ تانىلدى، دەپ حابارلايدى الماتىنىڭ قالا قۇرىلىسىن باقىلاۋ باسقارماسى.
مەنشىك يەسى (جەكە تۇلعا) نىساندى قوسىمشا رۇقسات قۇجاتتارىنسىز تۇرعىزعان جانە ونىڭ پايدالانۋعا بەرۋ اكتىسى بولماعان، دەپ حابارلايدى aqshamnews.kz.
باسقارما ق ر اقبتك-نىڭ 323-بابى بويىنشا شارالار قابىلدادى جانە ورىن العان بۇزۋشىلىقتاردى جويۋ تۋرالى نۇسقاما بەردى.
الايدا، نۇسقاما تالاپتارى ورىندالماعاندىقتان باسقارما وسى وبەكتىنى بۇزۋ تۋرالى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا (ماەس) تالاپ ارىز بەردى.
سوتتىڭ 2025 جىلعى 28 قاڭتارداعى شەشىمىمەن تالاپ قاناعاتتاندىرىلدى.
بۇگىنگى تاڭدا بۇزۋدى مەنشىك يەسى سوت شەشىمىن ورىنداۋ ءۇشىن جۇرگىزدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىستى باقىلاۋدى كۇشەيتۋ جونىندەگى تاپسىرماسى اياسىندا 2023 جىلدىڭ باسىنان بەرى 66 زاڭسىز نىسان، ونىڭ ىشىندە «مەچتا»، KHAN جانە باسقا دا تۇرعىن ءۇي كەشەندەرى تولىعىمەن نەمەسە ءىشىنارا بۇزىلعان.