ناۋرىزباي باتىر كوشەسى، 41 مەكەنجايدا ورنالاسقان تۇرعىن ءۇيدىڭ جانىنا زاڭسىز سالىنعان ەكى قوسىمشا نىسان سوت شەشىمىمەن سۇرىلەتىن بولادى، - دەپ حابارلايدى Aqshamnews.kz.
بۇعان دەيىن تۇرعىننىڭ ءوتىنىشى بويىنشا جوسپاردان تىس تەكسەرۋ جۇرگىزىلىپ، ناتيجەسىندە تۇرعىن ءۇيدىڭ ەكى جاعىنان دا قوسىمشا قۇرىلىستاردىڭ زاڭسىز سالىنعانى ءارى جالپى پايدالانىلاتىن اۋماقتا رۇقسات قۇجاتتارىنىڭ بولماعانى انىقتالعان.
مەنشىك يەسىنە (جەكە تۇلعاعا) قاتىستى اكىمشىلىك شارالار قابىلداندى. كەيىن الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىمەن مەنشىك يەسى كىنالى دەپ تانىلىپ، وعان اكىمشىلىك ايىپپۇل سالىندى جانە زاڭسىز سالىنعان قوسالقى نىساندار ءماجبۇرلى تۇردە بۇزىلاتىن بولدى.
الماتى قالالىق سوتىنىڭ 2024 جىلعى 16 شىلدەدەگى قاۋلىسىمەن ءبىرىنشى ساتىداعى شەشىم وزگەرىسسىز قالدى.
مەنشىك يەسى قوسالقى نىساننىڭ بىرەۋىن ءوز ەركىمەن بۇزدى، ال ەكىنشى قوسىمشا قۇرىلىستى ءماجبۇرلى تۇردە ءسۇرۋ بۇگىن، سوت شەشىمىنە سايكەس، سوت ورىنداۋشىلارىنىڭ قاتىسۋىمەن ءجۇرىپ جاتىر.