بۇل شارالار تۇراقتى ەلەكترمەن جابدىقتاۋدى قامتاماسىز ەتۋگە جانە اپات سالدارىنان بولاتىن ەلەكتردىڭ ءوشۋىن ازايتۋعا مۇمكىندىك بەرەدى، دەپ مالىمدەدى ءوقق بريفينگىندە ناۋرىزباي اۋدانىنىڭ اكىمى نازيرا توعىزبايەۆا، دەپ حابارلايدى اlmaty-akshamy.kz.
«شۇعىلا، اقجار، تاۋسامالى، قۇرامىس، راحات، قاراعايلى جانە قالقامان شاعىن اۋداندارىنىڭ اۋماعىندا ەلەكتر جەلىلەرى مەن ترانسفورماتورلىق قوسالقى ستانسيالاردى جاڭعىرتۋ شەڭبەرىندە 65 كم ەلەكتر جەلىسى مەن 39 ترانسفورماتورلىق قوسالقى ستانسيالار اۋىستىرىلدى جانە جوندەلدى»، - دەدى ن. توعىزبايەۆا.
اۋدان اۋماعى 98%-عا سىرتقى جارىقتاندىرۋ جەلىلەرىمەن جابدىقتالعان. اعىمداعى جىلى «حالىق قاتىساتىن بيۋدجەت» باعدارلاماسى اياسىندا جالپى ۇزىندىعى 43 شاقىرىم 59 كوشەدە سىرتقى جارىقتاندىرۋ قۇرىلىسى بويىنشا جۇمىستار اياقتالدى، سونداي-اق قوعامدىق كەڭىستىكتەردە، بالالار ويىن الاڭدارىندا جانە جاياۋ جۇرگىنشىلەر ايماقتارىندا 400-دەن استام جارىقتاندىرۋ تىرەكتەرى ورناتىلدى.
اۋدان اكىمى ءوز سوزىندە تۇرعىنداردان اۋدان اۋماعىندا كوشە جارىعىنىڭ جوقتىعىنا كوپتەگەن شاعىمدار كەلىپ تۇسەتىنىن اتاپ ءوتتى. بۇل ماسەلەنى شەشۋ ءۇشىن قالا اكىمىنىڭ تاپسىرماسى بويىنشا «الماتى قالا جارىق» اق كۇتىپ ۇستاۋعا جانە اعىمداعى جوندەۋگە 325 ملن تەڭگە ءبولىندى.