الماتىنىڭ مەدەۋ اۋدانىندا 60 كم جاڭا سۋ قۇبىرى جانە كارىز جەلىسى سالىنادى
الماتىنىڭ مەدەۋ اۋدانىندا جولدى اعىمداعى جوندەۋ ءليميتى ۇلعايتىلدى، سونداي-اق 60 كم جاڭا سۋ قۇبىرى جانە كارىز جەلىلەرى سالىنادى. بۇل تۋرالى الماتى قالاسىنىڭ اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى، دەپ حابارلايدى aqshamnews.kz
«كامەنسك ءۇستىرتى» شاعىن اۋدانى تۇرعىنىنىڭ ءبىرى تاۋلى ايماقتا جولدىڭ اۋىر جۇك كولىكتەرىنەن جانە جاڭبىر سۋى اعاتىن كارىزدىڭ جوقتىعىنان بۇزىلىپ جاتقانىنا شاعىمداندى. سونداي-اق، ول لاي كوشكىنى ءقاۋپى بار ايماقتاردىڭ كارتاسىن دايىنداپ، جاريالاۋدى سۇرادى.
ەربولات دوسايەۆ اتاپ وتكەندەي، مەدەۋ اۋدانى بويىنشا 74 ۋچاسكە تەكسەرىلدى، ونىڭ 10-ى اسا ءقاۋىپتى، ولارعا ءتيىستى شارالار قابىلدانۋدا. سونىمەن قاتار، تج اياسىندا 5 ۋچاسكەنىڭ بەتكەيى نىعايتىلادى.
«6 ۋچاسكەنى ساتىپ الامىز، سەبەبى ول جەرلەردە نىعايتۋدىڭ قاجەتى جوق. ءبىز ۇيلەردى ساتىپ الىپ، ادامداردى كوشىرەمىز»، - دەدى قالا باسشىسى.
53 ۋچاسكەدە جوسپارلى رەجيمدە كەشەندى جۇمىستار جۇرگىزىلەدى. قازقسعزي-مەن بىرلەسكەن جۇمىس اياقتالعاننان كەيىن لاي كوشكىنى ءقاۋپى بار ايماقتاردىڭ كارتاسى اۋدان اكىمدىگى مەن قالالىق جوسپارلاۋ جانە ۋربانيستيكا باسقارماسىنىڭ سايتتارىندا سايتتارىندا جاريالانادى.
سونىمەن بىرگە، قالا باسشىسى ەربولات دوسايەۆ سۋمەن جابدىقتاۋ، كارىز جۇيەسى سىندى اۋداننىڭ ينفراقۇرىلىمىنا بايلانىستى جۇمىستار باستالعانىن اتاپ ءوتتى. 60 كم جەلى سالۋ كوزدەلىپ وتىر. بۇعان قوسا، جولدى اعىمداعى جوندەۋگە ليميتتەر ۇلعايتىلدى.
«قالالىق موبيلدىلىك باسقارماسى ينجەنەرلىك جەلىلەر دايىن بولعان سايىن جولداردى توسەيدى. ءبىز اعىمداعى جوندەۋدى مۇمكىندىگىنشە جاساۋعا تىرىسامىز، ءبىراق جاقسى جولداردى ينجەنەرلىك جەلىلەر توسەلگەندە عانا جاساۋ قاجەت. ەگەر بۇگىن جول سالساق، كەلەسى كوكتەمدە ءبارىن قايتا قازۋعا تۋرا كەلەدى. اۋداندا بۇل جۇمىستىڭ رەتتىلىگىنە قاتىستى ناقتى جوسپار بار»، - دەدى اكىم.
سونىمەن قاتار، اكىم بۇرىن ۋادە ەتىلگەندەي، بيىل سۋمەن قامتاماسىز ەتۋ ماسەلەسى شەشىلگەنىن ايتتى.