الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن وتكەن كەزدەسۋدە تۇرعىنداردىڭ كەيبىر كاسىپكەرلەرگە قاتىستى شاعىمىنا جاۋاپ بەردى، دەپ حابارلايدى aqshamnews.kz
«قالداياقوۆ كوشەسىنەن قاستەيەۆ كوشەسىنە دەيىنگى ارالىقتا ۇنەمى ءتۇتىننىڭ ءيىسى شىعادى. جەكە ءۇيدىڭ ورنىنداعى شاعىن اۋماقتا كاۋاپ پىسىرەتىن ورىن پايدا بولادى: ءتۇتىن، قولامسا ءيىس، كولىك تۇراعى جوق"، - دەپ شاعىمىن ايتقان تۇرعىن قالا باسشىسىنان ءتيىستى شارا قولدانۋىن سۇرادى.
مەگاپوليس اكىمى بۇل باعىتتا تۇبەگەيلى شارالار قابىلداۋ ءۇشىن زاڭناماعا وزگەرىستەر ەنگىزۋ قاجەت ەكەنىن ءتۇسىندىردى.
"بىزدە جەر زاڭناماسى بويىنشا نىسانالى ماقساتىمىز جانە فۋنكسيونالدىق ايماقتارعا ءبولۋ جاي عانا "ساۋدا" دەپ قاراستىرىلعان، وعان بارلىعى كىرەدى. ەكولوگيالىق ستاندارتتار نەمەسە سانيتارلىق نورمالار تۇرعىسىنان رەتتەلۋى كەرەك تالاپتار بۇلىڭعىر. ءبىز ءوز ۇسىنىسىمىزدى جاسادىق، وزگەرتۋلەر ەنگىزۋىن سۇرادىق. ءبىز ۋاكىلەتتى مەملەكەتتىك ورگاندارعا جەتكىزۋگە تىرىسامىز جانە ءتۇتىندى بولدىرماۋ ءۇشىن رەتتەۋ جۇيەسىن وزگەرتۋ بويىنشا جۇمىس جاسايمىز"، - دەپ جاۋاپ بەردى ەربولات دوسايەۆ.
قالا باسشىسى جەكە مەنشىك قۇقىعى بار ەكەنىن جانە "زاڭناما اياسىندا عانا ارەكەت ەتۋگە بولاتىنىن" اتاپ ءوتتى.
"بىزدە ءورت قاۋىپسىزدىگىن قامتاماسىز ەتۋگە بايلانىستى ورگان بار – تجد، ەكىنشىسى-سانيتارلىق-ەپيدەميولوگيالىق باقىلاۋ دەپارتامەنتى. جىل باسىنان بەرى موراتوريي الىنىپ تاستالدى، ەگەر ءسىزدىڭ تاراپىڭىزدان رەسمي ۇجىمدىق وتىنىشتەر بولسا، مەن ەكى دەپارتامەنتتەن دە بەلگىلەنگەن تارتىپپەن ءبىزدىڭ ازاماتتاردىڭ دەنساۋلىعىن قورعاۋ مەن قاۋىپسىزدىكتى قامتاماسىز ەتۋ شەڭبەرىندە ولاردى قاراۋدى سۇرايمىن"، - دەپ اتاپ ءوتتى مەگاپوليس اكىمى.
ەربولات دوسايەۆ ءوزىنىڭ جەتەكشىلىك ەتەتىن ورىنباسارى مەن اۋدان اكىمىنە ماسەلەنى باقىلاۋعا الۋدى تاپسىردى.