مەدەۋ اۋدانىندا ەكى مەكتەپ كۇردەلى جوندەۋدەن كەي̆ءىن كەلەسى وقۋ جىلىندا اشىلادى
الماتى اكىمى ەربولات دوسايەۆ مەدەۋ اۋدانى تۇرعىندارمەن كەزدەسۋ كەزىندە ءبىلىم بەرۋ ينفراقۇرىلىمىن جاقسارتۋ بوي̆ىنشا قابىلدانىپ جاتقان شارالار تۋرالى اي̆تتى، دەپ حابارلايدى aqshamnews.kz
اتاپ اي̆تقاندا، «جاي̆لى مەكتەپ» ۇلتتىق جوباسى اياسىندا قالانىڭ وڭتۇستىك بولىگىندە، قۇلجا تاس جولىنىڭ جانىندا 2 000 ورىندىق جاڭا مەكتەپتىڭ قۇرىلىسى باستالدى.
قۇرىلىستى اياقتاۋ 2024 جىلدىڭ تامىز اي̆ىنا جوسپارلانعان. وسى كەزەڭدە №161 جانە №33 مەكتەپتەرىندە كۇردەلى جوندەۋ جانە سەي̆سميكالىق كۇشەي̆تۋ جۇمىستارى دا اياقتالادى.
سونىمەن قاتار، قولدانىستاعى ءبىلىم بەرۋ مەكەمەلەرىن كەڭەي̆تۋ ماقساتىندا ءۇش مەكتەپكە قوسىمشا عيماراتتار سالىنۋدا: №35 مەكتەپكە 300 ورىندىق عيمارات (2025 جىلدىڭ ماۋسىمىندا اياقتالادى)، №99 مەكتەپكە 250 ورىندىق عيمارات (2025 جىلدىڭ قاراشاسىندا اياقتالادى). سونداي̆-اق، نزم 320 ورىندىق قوسىمشا عيمارات سالىپ جاتىر، ول 2025 جىلدىڭ تامىز اي̆ىندا پاي̆دالانۋعا بەرىلەدى.
بيىل مامىردا №131 مەكتەپكە 300 ورىندىق قوسىمشا عيماراتتىڭ قۇرىلىسى باستالىپ، كەلەسى جىلدىڭ شىلدەسىندە اياقتالادى. ال قىركۇي̆ەكتە «دۋمان» شاعىن اۋدانىندا 1 200 ورىندىق جەكە مەكتەپتىڭ قۇرىلىسى باستالىپ، ونى 2026 جىلدىڭ تامىزىندا اياقتاۋ جوسپارلانعان.
مەكتەپكە دەي̆ىنگى مەكەمەلەر جەلىسىن كەڭەي̆تۋ بوي̆ىنشا دا بەلسەندى جۇمىستار جۇرگىزىلۋدە. 2024 جىلى الماتىدا 720 ورىندىق 14 جەكە بالاباقشا اشىلدى، ال 2025 جىلدىڭ سوڭىنا دەي̆ءىن تاعى 500 ورىنعا ارنالعان 10 بالاباقشا اشۋ جوسپارلانىپ وتىر. 2025 جىلدىڭ اقپانىندا «دۋمان-2» شاعىن اۋدانىندا 320 ورىندىق جەكە بالاباقشانىڭ قۇرىلىسى باستالىپ، 2026 جىلدىڭ اقپانىندا اشىلادى. 2025 جىلدىڭ ساۋىرىندە №195 بالاباقشانىڭ كۇردەلى جوندەۋى مەن سەي̆سميكالىق كۇشەي̆تۋ جۇمىستارى اياقتالادى.
الەۋمەتتىك جاۋاپكەرشىلىك اياسىندا «BI Group» قۇرىلىس كومپانياسى 2025 جىلدىڭ تامىز اي̆ىندا جەتىم بالالارعا ارنالعان جاڭا «جانۇيا» مامانداندىرىلعان كەشەنىنىڭ قۇرىلىسىن اياقتاي̆دى. جوبا اياسىندا ەسكى عيمارات ءسۇرىلىپ، جاڭاسى سالىنادى. جوبانىڭ جالپى قۇنى – 5،9 ملرد تەڭگە.