الماتىنىڭ مەدەۋ اۋدانىندا قوعامدىق كەڭىستىكتەردى دامىتۋ بوي̆ىنشا ءجۇي̆ەلى جۇمىس جالعاسۋدا. بۇل تۋرالى قالا اكىمى ەربولات دوسايەۆ حالىقپەن كەزدەسۋ بارىسىندا مالىمدەدى، دەپ حابارلايدى aqshamnews.kz
الماتى اكىمىنىڭ اي̆تۋىنشا، اۋدان تۇرعىندارىنىڭ دەمالىسى مەن تىنىعۋىنا قولاي̆لى جاعداي̆ جاساۋ ءۇشىن 2025 جىلدىڭ ءساۋىر اي̆ىندا "تەرەڭقۇر» اۋماعىنىڭ 3،4 گەكتارىن جاڭعىرتۋ جوباسى اياقتالادى. جوبا توعاندى اباتتاندىرۋدى، رەكرەاسيالىق اي̆ماقتاردى، بالالار مەن سپورت الاڭدارىن قۇرۋدى قامتيدى.
«2025 جىلدىڭ مامىر اي̆ىندا قۇرمانعازى كوشەسىنەن ءال-فارابي داڭعىلىنا دەي̆ءىن دوستىق داڭعىلىنىڭ «قاسبەتتەن قاسبەتكە دەي̆ءىن» جانە راي̆ىمبەك باتىر داڭعىلىنان گوگول كوشەسىنە دەي̆ءىن پۋشكين كوشەسىن كەشەندى اباتتاندىرۋ بوي̆ىنشا اۋقىمدى جۇمىستارعا كىرىسەمىز»، - دەدى اكىم.
وسى جوبالار اياسىندا جول جابىنى جاڭارتىلادى، ۆەلوجولدار، سپورتتىق جانە سەرۋەندەۋ اي̆ماقتارى جابدىقتالادى، سونداي̆-اق اۋماقتى كەشەندى كوگالداندىرۋ جۇرگىزىلەدى. قۇرىلىس-مونتاج جۇمىستارىن اياقتاۋ مەرزىمى اعىمداعى جىلدىڭ سوڭىنا جوسپارلانعان.
اي̆تا كەتەي̆ىك، 2024 جىلى «حالىق قاتىساتىن بيۋدجەت» باعدارلاماسى اياسىندا 2 ملرد تەڭگە ءبولىندى، بۇل 34 جوبانى جۇزەگە اسىرۋعا مۇمكىندىك بەردى. ولاردىڭ ىشىندە 20 اۋلا اۋماعىن، 7 قوعامدىق كەڭىستىكتى اباتتاندىرۋ جانە 7 ۋچاسكەدە اۆتوسۋارۋ ءجۇي̆ەلەرىن ورناتۋ بار.
2025 جىلى حقب اياسىندا تاعى 34 جوبانى ىسكە اسىرۋعا 2 ملرد تەڭگە ءبولىندى. وسى جىلدىڭ ساۋىر-قىركۇي̆ەك اي̆لارى ارالىعىندا 17 اۋلا اۋماعىن، 13 قوعامدىق كەڭىستىكتى اباتتاندىرۋ جانە 4 ۋچاسكەدە اۆتوسۋارۋ ءجۇي̆ەلەرىن مونتاجداۋ جوسپارلانعان.
2024 جىلى تۇرعىنداردىڭ بەلسەندى دەمالىسى ءۇشىن قولاي̆لى قالالىق ورتا مەن جاعداي̆ جاساۋ ءۇشىن 60 اۋلا اۋماعىن كۇردەلى جوندەۋگە جوبالىق-سمەتالىق قۇجاتتاما ازىرلەندى. جوندەۋ جۇمىستارى 2025 جىلدىڭ ساۋىرىندە باستالادى. جوبا اياسىندا زاماناۋي ۆوركاۋت-اي̆ماقتار، بالالار جانە سپورت الاڭدارىن سالۋ كوزدەلگەن. بۇل ماقساتتارعا 2،8 ملرد تەڭگە ءبولىندى. جۇمىستاردى اياقتاۋ اعىمداعى جىلدىڭ قازان اي̆ىنا جوسپارلانعان