مەدەۋ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ تۇرعىنداردى ساپالى ينجەنەرلىك ينفراقۇرىلىممەن كەشەندى قامتاماسىز ەتۋدىڭ ناتيجەلەرى مەن جوسپارلاردى اتاپ ءوتتى، دەپ حابارلايدى aqshamnews.kz.
ونىڭ اي̆تۋىنشا، ءىرى ينفراقۇرىلىمدىق جوبالاردى ىسكە اسىرۋ اياسىندا بۇرىن-سوڭدى سۋ مەن كارىز بولماعان شالعاي̆داعى شاعىن اۋداندار قامتىلعان. ماسەلەن، وسى جىلدىڭ ناۋرىز اي̆ىندا «كامەنسكوە پلاتو» ش/ا باتىس بولىگىندەگى 7 مىڭ تۇرعىنى ءۇشىن 50 شاقىرىم سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى باستالادى. جۇمىستاردى اياقتاۋ 2026 جىلدىڭ قىركۇي̆ەگىندە جوسپارلانۋدا.
«2025 جىلى مۇزتاۋ، سۇلۋساي̆، اتىراۋ، الاتاۋ، كىشى ستانيسا جانە تاۋلى قىرات شاعىن اۋداندارىندا تاعى 100 شاقىرىم سۋ قۇبىرى جانە كارىز جەلىلەرىنىڭ قۇرىلىسى اياقتالادى»، - دەپ اتاپ ءوتتى قالا اكىمى.
2024 جىلدىڭ قورىتىندىسى بوي̆ىنشا اۋداندا 6 سكۆاجينا سالىندى، قۋاتتىلىعى تاۋلىگىنە 37،7 مىڭ م3 سۋ بولاتىن 12 سورعى ورناتىلدى، كولەمى 7،3 مىڭ م3 7 رەزەرۆۋار تۇرعىزىلدى جانە كامەنسكوە پلاتو، كولساي̆، مۇزتاۋ جانە يۋبيلەي̆نىي̆ شاعىن اۋداندارىندا 6 شاقىرىم ماگيسترالدىق جەلى سالىندى. سونىمەن قاتار، كەڭساي̆، كومپوت، دۋمان جانە كولساي̆ شاعىن اۋداندارىندا 61 شاقىرىم جەلى سالىندى.
ماڭىزدى جوبالاردىڭ ءبىرى 2024 جىلدىڭ شىلدەسىندە سۋمەن جابدىقتاۋدىڭ رەزەرۆتىك ءجۇي̆ەسىن ىسكە قوسۋ بولدى. بۇگىندە ول سامال، كوك-توبە جانە تاۋلى قىرات شاعىن اۋداندارىنىڭ 50 مىڭ تۇرعىنى ءۇشىن تالعار جەر استى سۋلارىنىڭ كەن ورىندارىنان تاۋلىگىنە 32 مىڭ تەكشە مەتر سۋ بەرۋدى قامتاماسىز ەتەدى.
جالپى الماتىدا قالا اكىمى ەربولات دوسايەۆتىڭ تاپسىرماسى بوي̆ىنشا 2025 جىلى 260 شاقىرىم جاڭا قۇرىلىس سالۋ جانە 87 شاقىرىم قولدانىستاعى سۋمەن جابدىقتاۋ جانە سۋ بۇرۋ جەلىلەرىن جاڭعىرتۋ جوسپارلانعان.