2019 جىلدان بەرى جۇزەگە اسىپ كەلە جاتقان "Almaty Business – 2025" باعدارلاماسى بويىنشا الماتىنىڭ كاسىپكەرلەرى جالپى سوماسى 52،7 ملرد تەڭگە جەڭىلدەتىلگەن قارجى الدى. بۇل قارجى 774 بيزنەس-جوبانى قولداپ، 6 مىڭنان استام جۇمىس ورنىن اشۋعا مۇمكىندىك بەرگەن. "Almaty Finance" ج ش س جانە "Almaty" مقۇ ونى جىلدىق 2% جانە 6% مولشەرلەمەمەن بەردى. وڭىرلىك كوممۋنيكاسيالار قىزمەتىنىڭ باسپا ءسوز ءماسليحاتىندا "Almaty Finance" ج ش س باسقارما ءتوراعاسى بەرىك قۇسايىنوۆ وسىلاي دەپ حابارلادى.
باعدارلاما شاعىن جانە ورتا بيزنەستى دامىتىپ، قارجىلاندىرۋدى قولايلى ەتۋدى كوزدەيدى. وسى باعدارلامامەن كاسىپكەرلەر 7 جىلعا دەيىنگى مەرزىمگە جەڭىلدەتىلگەن نەسيە الا الادى. 2% مولشەرلەمە الەۋمەتتىك جاعىنان وسال توپتارعا، 6% مولشەرلەمە قالعان بارلىق شوب نىساندارىنا ارنالعان.
"Almaty Finance" بەرەتىن ەڭ جوعارعى نەسيە – 500 ملن تەڭگە، "Almaty" مقۇ ارقىلى – 78،64 ملن تەڭگەگە دەيىن الۋعا بولادى. ول اقشا جابدىق ساتىپ الۋعا، شيكىزات پەن اينالىم قاراجاتىن تولىقتىرۋعا، سونداي-اق، بيزنەستەگى باسقا دا ماقساتقا جۇمسالادى.
باعدارلامادا وندىرىستىك، يننوۆاسيالىق، ەكسپورتقا باعىتتالعان جوبالارعا، كرەاتيۆتى يندۋستريا مەن شاعىن ونەركاسىپتىك پاركتەردەگى باستامالارعا كوپ كوڭىل بولگەن. باعدارلامانى ىسكە اسىرۋ كەزەڭىندە وسىنداي 18 پارك سالىندى.
بەرىك قۇسايىنوۆ "Almaty Business – 2025" باعدارلاماسى دەنساۋلىق ساقتاۋ، ءبىلىم بەرۋ، تۋريزم، سپورت، قىزمەت كورسەتۋ سالاسى مەن الەۋمەتتىك كاسىپكەرلىك باعىتىنداعى بيزنەستى دە قولدايتىنىن اتاپ ءوتتى. 2025 جىلدىڭ 9 ايىندا 70 جوبا قارجىلاندىرىلىپ، 9،8 ملرد تەڭگە ءبولىنىپ، 793 جۇمىس ورنى اشىلعان.
52،7 ملرد تەڭگەنىڭ ىشىندەگى 25،6 ملرد تەڭگە بيۋدجەتتەن ءبولىنىپ، ولار قايتارىمدى-ريەۆولۆەرلىك مەحانيزم ارقىلى ءتيىمدى پايدالانىلدى. ەڭ كوپ جوبا بوستاندىق اۋدانىندا (152)، الاتاۋ اۋدانىندا (149)، المالى اۋدانىندا (97) جانە مەدەۋ اۋدانىندا (93) ىسكە استى.
جەڭىلدەتىلگەن قارجىلاندىرۋ العانداردىڭ ءبىرى – كوپىر قۇرىلىمدارىن دايىنداۋمەن اينالىساتىن "ازمك Group" كومپانيالار توبى. العاشقى 250 ملن تەڭگە ترانشى جاڭا جابدىق ساتىپ الۋعا جۇمسالدى. قازىرگى كەزدە 230 ملن تەڭگە كولەمىندەگى ەكىنشى ترانش يگەرىلىپ جاتىر.
"Almaty Business" باعدارلاماسىنا العىسىمىز شەكسىز. ءبىز وسى باعدارلاما ارقىلى 6 پايىزدىق نەسيە الىپ، ەنشىلەس كاسىپورنىمىز – "تەمىر جب" ج ش س ءۇشىن لازەرلىك جابدىق، ستانوكتار مەن اۆتوماتتى دانەكەرلەۋ كەشەندەرىن ساتىپ الدىق. بارلىق جابدىق ورناتىلىپ، جۇمىس ىستەپ تۇر. سونىڭ ارقاسىندا زاۋىتتىڭ ونىمدىلىگى ءۇش ەسە ارتىپ، قىزمەتكەرلەر سانى 25%-عا كوبەيدى. الماتىنىڭ اكىمدىگى مەن وسىنداي باعدارلامالارعا زور العىس بىلدىرەمىز. ولار قالانىڭ ونەركاسىبىن دامىتۋعا، زاۋىتتار مەن باسقا دا كاسىپورىنداردىڭ ءونىم ساپاسىن ارتتىرۋعا كومەكتەسەدى"، – دەيدى "ازمك Group" كومپانيالار توبىنىڭ يننوۆاسيالار جونىندەگى ديرەكتورى ەرىك جەكسەبايەۆ.
باعدارلاما الماتى قالاسىنىڭ ەكونوميكاسىنىڭ تۇراقتى دامۋىنا ۇلەس قوسىپ، كاسىپكەرلەرگە جاڭا مۇمكىندىكتەرگە جول اشىپ بەرىپ وتىر.