وتىنىشتەردىڭ 83 پايىزعا جۋىعى وڭ شەشىمىن تاپتى.
الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وكق بريفينگىندە 2022 جىلى الماتى قالاسىنىڭ وڭىرلىك پالاتاسىنا 1723 ءوتىنىش تۇسكەنىن ايتتى، دەپ حابارلايدى Almaty-akshamy.kz
ونىڭ ىشىندە 872ء-سى كاسىپكەرلەردىڭ پايداسىنا شەشىلدى، قالعانى بويىنشا تۇسىنىكتەمەلەر بەرىلدى. ياعني، وتىنىشتەردىڭ 83 پايىزعا جۋىعى وڭ شەشىمىن تاپتى.
پالاتا ساراپشىلارى 36 سوت ىسىنە قاتىسىپ، 39،4 ملرد تەڭگە سوماعا كاسىپكەرلەردىڭ قۇقىعىن قورعادى.
ايتۋار قوشمامبەتوۆتىڭ ايتۋىنشا، كەلىپ تۇسكەن ارىز-شاعىمداردىڭ باسىم بولىگى سالىق ورگاندارىنىڭ ىس-ارەكەتىنە (241 نەمەسە 14%)، سونداي-اق مەملەكەتتىك ورگانداردىڭ باقىلاۋ-قاداعالاۋ ارەكەتتەرىنە قاتىستى شاعىمدار (224 نەمەسە 13%).
وتىنىشتەر جەر پايدالانۋ، قۇرىلىس، مەملەكەتتىك ساتىپ الۋ، ماتەريالدىق-تەحنيكالىق قامتاماسىز ەتۋ جانە كاسىپكەرلىك قۇقىق سۋبەكتىلەرى اراسىنداعى داۋلار بويىنشا بىردەي ءتۇستى.
ول مىسال كەلتىردى. ساراپشىلار پالاتاسى ءبىرىنشى ينستانسياداعى سوتتا كاسىپكەردىڭ قاتىسۋىن قامتاماسىز ەتە وتىرىپ، «كازينتەرسەرۆيس-رەگيون» ءجشس-نىڭ قۇقىعىن قورعادى. جۇرگىزىلگەن جۇمىستاردىڭ قورىتىندىسى بويىنشا ماڭعىستاۋ وبلىسىنىڭ مامانداندىرىلعان ەكونوميكالىق سوتىنىڭ 2021 جىلعى 14 قاڭتارداعى شەشىمىمەن مەملەكەتتىك ساتىپ الۋدىڭ جوسىقسىز قاتىسۋشىسى «كازينتەرسەرۆيس-رەگيون» ج ش س 96 ملن. تەڭگە كولەمىندە تالاپتى قاناعاتتاندىرۋدان باس تارتۋ جانە تۇراقسىزدىق ءۇشىن ايىبى ءوندىرىلدى. وسىلايشا، كاسىپكەردىڭ 96 ملن مەنشىك قۇقىعى قورعالدى.
«BSB Trade & Advertising» ءجشس-نىڭ 87 ملن تەڭگەگە قۇقىعى قورعالدى. كاسىپورىنعا قۇقىقتىق كونسۋلتاتيۆتىك كومەك كورسەتىلىپ، قاجەتتى پروسەسسۋالدىق قۇجاتتار رەسىمدەلىپ، كەيىننەن سوتتا سەنىمحات بويىنشا وكىل رەتىندە مۇددەلەرى ۇسىنىلدى.