قازاقستاننان كەتكەن ازاماتتار بجزق-دان ميللياردتاعان تەڭگە الدى

1 جەلتوقسانىنا زەينەتاقى جيناقتارى 14،4 ترلن تەڭگەدەن استى.

شەتەلگە كوشىپ كەتكەن 18 مىڭ قازاقستاندىق زەينەتاقى قورىنان 45 ملرد تەڭگەدەن استام اقشا الدى، دەپ حابارلايدى Almaty-akshamy.kz LS سىلتەمە جاساپ.

بiرىڭعاي جيناقتاۋشى زەينەتاقى قورىندا (بجزق) LSء-تىڭ رەسمي سۇراۋىنا جاۋاپ رەتىندە 2022 جىلدىڭ باسىنان باستاپ اعىمداعى جىلدىڭ 19 جەلتوقسانىنا دەيىن قازاقستاننان تىس جەرلەرگە تۇراقتى تۇرۋعا كەتكەن سالىمشىلار جالپى سوماسى 45،3 ملرد تەڭگەگە تولەمدەر العانىن حابارلادى.

بۇل رەتتە وتكەن جىلدىڭ ۇقساس كەزەڭىندە سوما 20،8%-عا ياعني 37،49 ملرد تەڭگەگە، ال الۋشىلار سانى – 15 905 ادامعا از بولدى.

2022 جىلى تولەمدەردىڭ ەڭ كوپ كولەمىن رۋبلمەن – 28،66 ملرد تەڭگە (12 343 سالىمشى)، سونداي-اق، تەڭگەمەن – 13،28 ملرد تەڭگە (5 102 سالىمشى) الدى. دوللارمەن 2،25 ملرد تەڭگە سوماعا 422 قازاقستاندىق، ەۋرومەن – 920 ملن تەڭگە (304 سالىمشى)، فۋنتپەن – 190 ملن تەڭگە (23 سالىمشى) جيناق الىندى.

"فۋنت تولەمدەر ۇلىبريتانياعا، رۋمىنياعا، يرلاندياعا، شۆەيسارياعا تولەندى. دوللارمەن-پولشا، تۇركيا، كانادا، اقش جانە ت.ب.، ەۋرودا – گەرمانيا، پولشا، نيدەرلاندى جانە باسقا ەلدەرگە"، - دەپ ناقتىلادى بجزق-دا.

سونىمەن قاتار، زەينەتاقى قورىنىڭ مالىمەتىنشە، وسى جىلدىڭ 1 جەلتوقسانىنا زەينەتاقى جيناقتارى 14،4 ترلن تەڭگەدەن استى. جىل باسىنان بەرى بۇل كورسەتكىش 1،3 ترلن تەڭگەگە نەمەسە 10،2%-عا ارتقان.