2025 جىلدىڭ 4 ايى ىشىندە الەۋمەتتىك ەكونوميكالىق دامۋدىڭ قورىتىندىسى
اعىمداعى جىلى الماتى قالاسى ەكونوميكاسىنىڭ قارقىندى دامۋى ساقتالىپ وتىر. 2025 جىلعى ءقاڭتار-ساۋىر قورىتىندىسى بويىنشا الماتىنىڭ قىسقا مەرزىمدى ەكونوميكالىق ينديكاتورى 9،1%-عا دەيىن جەدەلدەدى (2025 جىلعى قاڭتار – ناۋرىز-7،0%).
1.ەكونوميكا ءوسىمىنىڭ نەگىزگى درايۆەرلەرى كولىك (+23،9%)، قۇرىلىس (+21،3%) جانە وڭدەۋ ونەركاسىبى (+17،6%) بولدى.
وتكەن جىلى الماتىنىڭ ءجوو ءوسىمى 5،6% -دى قۇرادى، بۇل جان باسىنا شاققانداعى ءجوو-نى 27،5 مىڭ اقش دوللارى دەڭگەيىندە قامتاماسىز ەتۋگە مۇمكىندىك بەردى. بۇل باسقا ايماقتار اراسىنداعى ەڭ جاقسى كورسەتكىشتەردىڭ ءبىرى.
الماتىنىڭ ساپالى جانە تۇراقتى الەۋمەتتىك-ەكونوميكالىق دامۋى ءۇشىن ءبىز قالا ەكونوميكاسىن ءارتاراپتاندىرۋعا جانە ينۆەستيسيالاردى بەلسەندى تارتۋعا باسا نازار اۋدارامىز.
2. الماتى قازاقستاننىڭ ەڭ ينۆەستيسيالىق تارتىمدى وڭىرلەرىنىڭ ءبىرى بولىپ قالا بەرەدى.
2025 جىلدىڭ ءقاڭتار-ساۋىر ايىنىڭ قورىتىندىسى بويىنشا نەگىزگى كاپيتالعا 35،6% وسىممەن 541،3 ملرد.تەڭگە ينۆەستيسيا تارتىلدى. ينۆەستيسيا كولەمى بويىنشا الماتى 1 ورىن الدى.
ينۆەستيسيالاردىڭ ەڭ كوپ ءوسۋى ءبىلىم بەرۋدە (7،2 ەسە ءوسۋ)، قارجىلىق جانە ساقتاندىرۋ قىزمەتىندە (2 ەسە)، سۋمەن جابدىقتاۋدا جانە سۋ بۇرۋدا (1،9 ەسە)، تۋريزمدە (1،5 ەسە)، جىلجىمايتىن مۇلىكپەن وپەراسيالاردا (+22،1%)، ەلەكترمەن جانە جىلۋمەن جابدىقتاۋدا (+19،4%)، كولىكتە جانە (+14،7%).2.
الماتىنىڭ ەكونوميكالىق دامۋى ونىڭ تۋريستىك تارتىمدىلىعىنىڭ وسۋىمەن تىعىز بايلانىستى. قالا ەكونوميكاسىنداعى تۋريزم سالاسى 3،9%-دى قۇرايدى.
2024 جىلى الماتىعا 2 ملن. 340 مىڭ تۋريست كەلدى (ءوسىم 14،8%). قازاقستانعا كەلگەن ءاربىر ەكىنشى شەتەلدىك تۋريست الماتى قالاسىنا كەلەدى. وتكەن جىلى ولاردىڭ سانى 27% - عا 686،3 مىڭ ادامعا دەيىن ءوستى (ق ر ۇلەسى – 53%).
كورسەتىلگەن تۋريستىك قىزمەتتەر كولەمى 30% - عا 96،3 ملرد. تەڭگەگە دەيىن ءوستى (2023 ج. – 74 ملرد. تەڭگە). قالا بيۋدجەتىنە تۋريستىك قىزمەتتەن 90،7 ملرد. تەڭگە سوماسىنا سالىق ءتۇستى، بۇل 2023 جىلمەن سالىستىرعاندا 1،9 ەسە كوپ (47،2 ملرد.تەڭگە).
3. تۋريزم سالاسىندا قالادا جۇمىسپەن قامتىلعانداردىڭ جالپى سانىنىڭ 7،7% - ى نەمەسە 83،5 مىڭ ادام جۇمىسپەن قامتىلعان (ءوسىم 3%، 2023 ج. – 80،5 مىڭ ادام).
تۋريستىك اعىننىڭ ءوسۋى نەگىزگى كاپيتالعا ينۆەستيسيالاردىڭ ۇلعايۋىمەن قاتار جۇرەدى. 2025 جىلدىڭ ءقاڭتار-ساۋىر ايلارىندا 1،5 ەسە (+49،8%) وسىممەن 40،2 ملرد.تەڭگە ينۆەستيسيا تارتىلدى.
2025 جىلى الماتىدا تۋريستەر اعىنى 2،5 ملن. ادام دەڭگەيىندە بولجانۋدا.
شاعىن جانە ورتا بيزنەس الماتىنىڭ ەكونوميكالىق دامۋىندا شەشۋشى ءرول اتقارۋدا.
2024 جىلدىڭ قورىتىندىسى بويىنشا شوب سۋبەكتىلەرىنىڭ ءونىم شىعارۋ كولەمى 13،9% - عا 24،9 ترلن تەڭگەگە دەيىن ۇلعايدى..
الماتىنىڭ جوو-دەگى شوب ۇلەسى 60،3% - عا دەيىن ءوستى (2023 ج. – 58،1%).
شوب سەكتورى جۇمىسپەن قامتۋدىڭ نەگىزگى كوزى بولىپ قالا بەرەدى، وندا قالادا جۇمىسپەن قامتىلعانداردىڭ جالپى سانىنىڭ 90% - ى نەمەسە 972،1 مىڭ ادام جۇمىس ىستەيدى.
2025 جىلعى 1 مامىرداعى جاعداي بويىنشا بەلسەندى جۇمىس ىستەيتىن شوب سۋبەكتىلەرىنىڭ سانى 378،9 مىڭ بىرلىكتى قۇرايدى، بۇل اعىمداعى جىلدىڭ باسىمەن سالىستىرعاندا 7،4% - عا ارتىق.
2025 جىلعى ساۋىردە الماتىدا رەسپۋبليكاداعى ەڭ جوعارى ىسكەرلىك بەلسەندىلىك تىركەلدى. ىسكەرلىك بەلسەندىلىك يندەكسى 57،9% قۇرادى.
اعىمداعى جىلى شوب-تى قولداۋعا 70 ملرد.تەڭگە ءبولىندى، ونىڭ ىشىندە جەرگىلىكتى بيۋدجەتتەن قارجىلاندىرۋدى 2،5 ەسە 52،8 ملرد. تەڭگەگە دەيىن ۇلعايتۋ ەسەبىنەن.
4. الماتى قالاسىندا ەلەكتروندىق ساۋدا قارقىندى دامىپ كەلەدى. ەلەكتروندىق كوممەرسيا شوب ءۇشىن جاڭا مۇمكىندىكتەر اشادى، بۇل كومپانيالارعا كەڭ نارىقتارعا شىعۋعا جانە ءوز ونىمدەرى مەن قىزمەتتەرىن ءتيىمدى ساتۋعا مۇمكىندىك بەرەدى.
الماتى قازاقستانداعى وسى نارىقتىڭ نەگىزگى بولىگىن قالىپتاستىرادى. قالا ەل بويىنشا تاۋارلارمەن ەلەكتروندىق بولشەك ساۋدانىڭ بارلىق كولەمىنىڭ 95،2% - ىن جانە قىزمەتتەرمەن ەلەكتروندىق ساۋدانىڭ بارلىق كولەمىنىڭ 93،2% -ىن قامتاماسىز ەتەدى.
2024 جىلدىڭ قورىتىندىسى بويىنشا تاۋارلارمەن ەلەكتروندىق ساۋدا كولەمى 3 ترلن.تەڭگە 30،5% وسىممەن،، قىزمەتتەردىڭ ەلەكتروندىق ساۋدا كولەمى 2،3 ترلن تەڭگە، 61% وسىممەن.
رەسپۋبليكاداعى تاۋارلار مەن قىزمەتتەردى وتكىزۋ ءۇشىن ينتەرنەت-رەسۋرستى پايدالاناتىن بارلىق كومپانيالاردىڭ شامامەن 50% - ى الماتىدا ورنالاسقان. قالادا 1 556 كاسىپورىن جۇمىس ىستەيدى (ق ر – 3 239).
ءىرى ينتەرنەت-پلاتفورمالار Kaspi.kz، Wildberries.kz، Aviata.kz، Sulpak.kz، Technodom.kz جانە ت. ب.
2024 جىلدىڭ جەلتوقسانىندا "MAGNUM E-COMMERCE KAZAKHSTAN" ج ش س قۋاتتىلىعى تاۋلىگىنە 18 مىڭعا دەيىنگى تاپسىرىستى DarkStore پايدالانۋعا بەردى. بۇل جوبا ينتەرنەت-بيزنەستى ماسشتابتاۋ جانە الماتىدا ەلەكتروندىق كوممەرسيانىڭ ودان ءارى ءوسۋى ءۇشىن الەۋەت تۋعىزادى.
جالپى، الماتى قالاسى ەكونوميكاسىنىڭ قارقىندى دامۋى 2025 جىلدىڭ 4 ايىندا جەرگىلىكتى بيۋدجەت كىرىستەرىنىڭ 14،6% - عا ءوسۋىن قامتاماسىز ەتۋگە مۇمكىندىك بەردى.