الماتىدا ءۇش جىل ىشىندە 50-دەن استام ءبىلىم بەرۋ نىسانى جاڭارتىلىپ، وقۋشى ورىندارىنىڭ تاپشىلىعى ازايدى
الماتىدا قالا اكىمى ەربولات دوسايەۆتىڭ تاپسىرماسىمەن 2022 جىلدان باستاپ 50-دەن استام ءبىلىم بەرۋ نىسانى سالىندى جانە جاڭعىرتىلدى. ولاردىڭ قاتارىندا 7 بالاباقشا، 47 مەكتەپ جانە 4 وقۋشىلار ءۇيى بار، دەپ حابارلايدى aqshamnews.kz
قازىرگى ۋاقىتتا تاعى 47 ءبىلىم بەرۋ نىسانىنىڭ قۇرىلىسى مەن جاڭعىرتۋ جۇمىستارى جالعاسۋدا: 7 بالاباقشا، 37 مەكتەپ (ونىڭ ىشىندە 21 مەكتەپ «جايلى مەكتەپ» جوباسى اياسىندا)، 2 كوللەدج، 1 مامانداندىرىلعان «جانۇيا» ينتەرناتى.
اتالعان جوبالار جۇزەگە اسقاننان كەيىن وقۋشى ورىندارىنىڭ تاپشىلىعى شامامەن 5 مىڭ ورىنعا دەيىن قىسقارادى. قالا مەكتەپتەرى بىرتىندەپ ءبىر اۋىسىمدى وقۋ فورماتىنا كوشىپ جاتىر.
ەربولات دوسايەۆتىڭ باستاماسىمەن «مەكتەپ اۆتوبۋسى» جوباسى ءساتتى ىسكە اسىرىلدى. ونىڭ ارقاسىندا 16 مىڭنان استام وقۋشى قالا شەتىندە ورنالاسقان شاعىن اۋدانداردان مەكتەپتەرگە ىڭعايلى ءارى ءقاۋىپسىز جاعدايدا قاتىناۋ مۇمكىندىگىنە يە بولدى.