بۇل شەشىم تۇرعىنداردىڭ سۇرانىسىنا بايلانىستى ازىرلەنگەن.
الماتىدا اباي مەن ءال-فارابي داڭعىلدارى ارالىعىندا كوپ پاتەرلى تۇرعىن ءۇي كەشەندەرىنىڭ قاباتتىلىعىنا شەكتەۋ قويىلادى، دەپ جوسپارلانۋدا. ودان بولەك، قالالىق جوسپارلاۋ جانە ۋربانيستيكا باسقارماسى ازىرلەگەن جوباعا سايكەس، اباي داڭعىلىنىڭ جوعارعى جاعىنان ءال-فارابي داڭعىلى ارالىعىندا بوي كوتەرەتىن ۇيلەر ەندى 9 قاباتتان اسپاۋى ءتيىس. بۇل تۋرالى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ مالىمدەدى، دەپ حابارلايدى Almaty-akshamy.kz Almaty.tv سىلتەمە جاساپ.
ونىڭ ايتۋىنشا، بۇل شەشىم، ەڭ بىرىنشىدەن، تۇرعىنداردىڭ سۇرانىسىنا بايلانىستى ازىرلەنگەن. نورماتيۆتىك-قۇقىقتىق اكت كۇشىنە ەنۋى ءۇشىن، ول الماتى قالالىق ءماسليحاتىندا قابىلدانىپ، قازاقستان رەسپۋبليكاسىنىڭ ادىلەت ورگاندارىنىڭ تىركەۋىنەن ءوتۋى قاجەت.
«تۇرعىن ۇيلەر سانى تەز ءوسىپ جاتىر. ال الەۋمەتتىك عيماراتتار ۇلگەرە الماي جاتىر. سول سەبەپتى ونى دۇرىستاپ رەتتەۋ ءۇشىن ءبىز وسىنداي ارحيتەكتۋرالىق ساياساتتى شىعاردىق»، - دەدى جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ.