الماتىنىڭ قىسقا مەرزىمدى ەكونوميكالىق كورسەتكىشى 2025 جىلعى ءقاڭتار-ساۋىر ايلارىندا 9،1%-عا ءوستى
2025 جىلدىڭ ءقاڭتار-ساۋىر ايلارىندا الماتى ەلدىڭ جەتەكشى ىسكەرلىك جانە قارجى ورتالىعى مارتەبەسىن راستادى، دەپ حابارلايدى الماتى قالاسىنىڭ ەكونوميكا باسقارماسى.
ءتورت ايدىڭ قورىتىندىسى بويىنشا قىسقا مەرزىمدى ەكونوميكالىق ينديكاتور وتكەن جىلدىڭ وسى كەزەڭىمەن سالىستىرعاندا 9،1%-عا ءوستى. ەكونوميكالىق ءوسىمنىڭ نەگىزگى قوزعاۋشى كۇشتەرى – كولىك جانە قويما (+23،9%)، قۇرىلىس (+21،3%) جانە وڭدەۋشى ونەركاسىپ (+17،6%) بولدى. وسى كەزەڭدە الماتى بيۋدجەتىنە تۇسەتىن تۇسىمدەر 14،6%-عا ارتتى.
2024 جىلدىڭ قورىتىندىسى بويىنشا جان باسىنا شاققانداعى جالپى وڭىرلىك ءونىم (ءجوو) 27 557 اقش دوللارى بولىپ، الدىڭعى جىلمەن سالىستىرعاندا 9،4%-عا ارتتى. بۇل ەلىمىزدەگى ەڭ جوعارى كورسەتكىشتەردىڭ ءبىرى.
الماتى ينۆەستيسيا، يننوۆاسيا جانە كاسىپكەرلىك بەلسەندىلىك ورتالىعى رەتىندە پوزيسياسىن نىعايتىپ كەلەدى. قالانىڭ ءجوو-نىڭ ەلدىڭ جالپى ىشكى ونىمىندەگى ۇلەسى 2023 جىلعى 21،1%-دان 2024 جىلى 21،8%-عا دەيىن ءوستى. بۇل الماتىنىڭ ۇلتتىق ەكونوميكاداعى ءرولىنىڭ ارتىپ كەلە جاتقانىن كورسەتەدى.