الماتىنىڭ نەگىزگى كاپيتالىنا ينۆەستيسيالار 2025 جىلعى قاڭتار-ساۋىردە 35،6 %-عە ءوستى
الماتى ەلىمىزدىڭ ەڭ تارتىمدى ەكونوميكالىق ورتالىقتارىنىڭ ءبىرى مارتەبەسىن راستاي وتىرىپ، ينۆەستيسيالار سالاسىنداعى وڭ سەرپىندى كورسەتۋدى جالعاستىرۋدا.
الماتى قالاسى ەكونوميكا باسقارماسىنىڭ حابارلاۋىنشا، 2025 جىلدىڭ قاڭتار–ءساۋىر ايلارىندا نەگىزگى كاپيتالعا سالىنعان ينۆەستيسيالار كولەمى 541،3 ملرد تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 35،6% - عا ارتىق.
سالىمداردىڭ ەڭ كوپ ءوسۋى مىناداي سالالاردا تىركەلدى: ءبىلىم بەرۋ — 7،2 ەسە، قارجى جانە ساقتاندىرۋ قىزمەتى — 2 ەسە، سۋمەن جابدىقتاۋ جانە سۋ بۇرۋ — 1،9 ەسە، تۋريزم — 1،5 ەسە، جىلجىمايتىن مۇلىكپەن وپەراسيالار - 22،1% — عا، ەلەكترمەن جانە جىلۋمەن جابدىقتاۋ —19،4% - عا، كولىك جانە قويمالاۋ - 14،7%. مۇنداي ديناميكا قالانىڭ ينۆەستيسيالىق پورتفەلىنىڭ ءارتاراپتاندىرىلۋىن جانە ينۆەستورلاردىڭ ەكونوميكانىڭ ءتۇرلى سالالارىنا دەگەن قىزىعۋشىلىعىنىڭ ارتىپ كەلە جاتقانىن كورسەتەدى.
الماتى قازاقستانداعى ينۆەستيسيالىق ءوسۋدىڭ باستى ورتالىقتارىنىڭ ءبىرى رەتىندە ءوز پوزيسياسىن سەنىمدى نىعايتۋدا. 2025 جىلعا ارنالعان جوسپارعا سايكەس الماتى ەكونوميكاسىنا نەگىزگى كاپيتالعا 2،2 ترلن تەڭگە ينۆەستيسيا تارتۋ كوزدەلىپ وتىر.