الماتىدا وسىنداي اتپەن ەرەكشە بايقاۋ وتپەك.
14 جەلتوقسان كۇنى الماتى قالاسىنداعى «Grand park» ويىن-ساۋىق ساۋدا كەشەنىنىڭ كونسەرت زالىندا ح - رەسپۋبليكالىق 50 جاس پەن 90 جاس ارالىعىنداعى تالانتتى جاندارعا ارنالعان ونەر بايقاۋى وتەدى، دەپ حابارلايدى Almaty-akshamy.kz
بايقاۋدى قازاق راديوسىنىڭ تانىمال ءجۋرناليسى گۇلميرا ءنالىباي مەن «مەرەكە» پروديۋسەرلىك ورتالىعى ۇيىمداستىرىپ وتىر.
بايقاۋدىڭ ماقساتى:
- ەلۋدەن اسقان جانداردىڭ ءان مەن جىردان، قولونەر مەن سۋرەت سالۋدان ونەر دوداسىن ۇيىمداستىرۋ ارقىلى ءاربىر قاتىسۋشىعا رۋحاني قولداۋ كورسەتىپ، بويىنداعى ونەرىن جاس كۇنىندەگىدەي قايتا ءبىر شىڭداۋىنا مۇمكىندىك سىيلاۋ؛
- ومىردە تاجىريبەسى مول ونەر يەلەرىن بايقاۋعا قاتىستىرۋ ارقىلى ەسكىرگەن، ۇمىت بولعان اندەر مەن كۇيلەردى قايتا جانداندىرۋ؛
- قولونەر بۇيىمدارىن ونەر دوداسىندا كورسەتۋ ارقىلى ۇلتتىق ونەردىڭ تاعى ءبىر جاڭعىرۋىنا جول اشۋ؛
- زەينەتكە شىققان قازىنالى اتا-اجەلەرىمىزدىڭ نەمەرەلەرىنە ارناپ ءان ايتۋى مەن باتا بەرۋى ارقىلى قازاقى تاربيەنى جاڭعىرتۋ؛
بايقاۋ جانرلارى:
- «ءان سالۋ»
- «حورمەن ءان سالۋ»
- «ءداستۇرلى ءان»
- «مانەرلەپ ولەڭ وقۋ»
- «اقىندىق ونەر»
- «اسپاپتا ويناۋ»
- «بي ونەرى»
- «قولونەر»
- «باتا بەرۋ»
- «سۋرەتشىلىك ونەر»
بايقاۋعا قاتىسۋ شارتى مەن ەرەجەلەرى تۋرالى مىنا بايلانىس تەلەفوندارى ارقىلى بىلە الاسىز: +8 701 755 59 35، +8 777 2887311، +8 707 818 7514.
e-mail: astana22astana@mail.ru