ول الماتىنىڭ ناۋرىزباي اۋدانىنداعى جەكە سەكتوردا ورنالاسقان.
جەكە تۇرعىن ءۇيدىڭ اۋلاسىنان قاراسورا ەگىنى انىقتالدى، دەپ حابارلايدى almaty-akshamy.kz Polisia.kz-كە سىلتەمە جاساپ.
توپىراقتان قۇرامىندا ەسىرتكى بار وسىمدىكتىڭ 14 ەگىلگەن بۇتاسى الىندى.
سونىمەن قاتار، جازعى ۆەراندادان پلاستيك بوتەلكەلەردەن، قولدان جاسالعان 2 شىلىم شەگەتىن قۇرال تاركىلەندى. مونشادان قۇرامىندا ەرەكشە ءيىسى بار وسىمدىك تەكتەس زاتى بار ءۇش پلاستيك بايلام تابىلدى جانە تاركىلەندى. سونداي-اق ءۇيدىڭ ءبىرىنشى قاباتىنداعى ءبىر بولمە ەسىرتكىلىك وسىمدىكتەردى وسىرۋگە ارنالعاندىعى انىقتالدى، ودان 9 ءتۇپ بۇتا تابىلىپ، تاركىلەندى.
– اتالعان دەرەك بويىنشا سوت-حيميالىق ساراپتاما تاعايىندالدى. قىلمىستىق ءىس قوزعالدى، — دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباي.
قازاقستان ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.
اقپارات كوزى Polisia.kz سايتىندا: https://polisia.kz/almatynyng-zheke-sektorynda-fitolaboratoriya-anyqtaldy/