8 كومپانيا زاڭسىز مەديسينالىق جابدىقتار وندىرگەن.
تالداۋ ناتيجەسى بويىنشا، سق-فارماسيانىڭ حالىقتى دارىلىك زاتتارمەن جانە مەديسينالىق بۇيىمدارمەن قامتاماسىز ەتۋدە سىبايلاس جەمقورلىققا جول بەرگەنى انىقتالدى ، دەپ حابارلايدى Almaty-akshamy.kz
وسىلايشا، دارى-دارمەكتەردى ساتىپ الۋ بويىنشا اۋكسيونداردىڭ جارتىسىنان كوبى باسەكەلەستىك ەمەس تاسىلمەن وتكەنى بەلگىلى بولدى.
2020-2023 جىلدارداعى اۋكسيونداردىڭ قورىتىندىسى بويىنشا ۇنەمدەۋدىڭ ەداۋىر ۇلەسى (81 پايىز) بارلىق لوتتاردىڭ 8 پايىزى ەسەبىنەن عانا قالىپتاستى (6513-تەن 567ء-سى). ءاربىر ءۇشىنشى لوتتا (1969 نەمەسە 30 پايىز) باعا (0-دەن 30 تيىنعا دەيىن) مۇلدە تومەندەمەگەن.
تەندەرلىك كوميسسيا مەديسينالىق جابدىقتى ساتىپ الۋ كەزىندە تەندەر شارتتارىنا سايكەس كەلمەيتىن جابدىقتاۋشىلاردى اۋكسيونعا قاتىستىرعان. سونداي-اق ساتىپ الۋ قۇنىن نەگىزسىز كوتەرگەن.
وسىلايشا قۇنى ءارتۇرلى، ءبىراق تەحنيكالىق سيپاتتامالارى ۇقساس مەديسينالىق جابدىقتاردى ساتىپ الۋ بويىنشا 13 شارت انىقتالدى. ولار 6،7 ميلليارد تەڭگەگە اسىرا باعالانعان.