الماتى قالاسى پد-دە جاس پوليسەيلەرگە وفيسەرلىك شەندەرىن ۆەدومستۆو باستىعى ارىستانعاني زاپپاروۆ سالتاناتتى تۇردە تابىستادى.
جاس قىزمەتكەرلەردىڭ پاتريوتتىق رۋحىن ارتتىرۋ ماقساتىندا بۇل ءىس-شارا ارنايى پد مۇراجايىنىڭ قابىرعاسىندا وتكىزىلدى. قالاداعى ءتارتىپتى تاۋلىك بويى قامتاماسىز ەتەتىن وفيسەرلەر قاتارىن جاس ۇل-قىزدار تولىقتىردى. اتاپ ايتقاندا، وتىزدان استام ءتارتىپ ساقشىسى لەيتەنانت شەندەرىن الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
– ءبىزدىڭ قاتارىمىزدى قۇقىق قورعاۋ ورگاندارىنىڭ جاڭا بۋىنى تولىقتىردى. جاس قىزمەتكەرلەر اعا ارىپتەستەرىنىڭ ءداستۇرىن لايىقتى تۇردە جالعاستىرىپ، كاسىبي سىناقتاردان ابىرويمەن وتەدى دەپ سەنگىم كەلەدى. ازاماتتاردىڭ قاۋىپسىزدىگىن قامتاماسىز ەتۋ، العى شەپتە قىلمىسپەن جانقيارلىقپەن كۇرەسۋ مىندەتى سىزدەرگە جۇكتەلەدى. ءارقايسىڭىز جۇرەگىڭىزدىڭ ۇنىمەن، جانىڭىزدىڭ قالاۋىمەن قازاق پوليسياسىنىڭ قاتارىن تولىقتىردىڭىزدار. انتتارىڭىزعا، حالقىڭىزعا ادال بولىڭىزدار! سىزدەردى ومىرلەرىڭىزدەگى ايتۋلى وقيعامەن شىن جۇرەكتەن قۇتتىقتايمىن، قۇرمەتتى ارىپتەستەر!، – دەدى ارىستانعاني زاپپاروۆ.
جاس پوليسەيلەر كۇردەلى ىرىكتەۋدەن ءوتتى. كوپشىلدىك، ادەپتىلىك، توزىمدىلىك، زاڭدى جاقسى ءبىلۋ، دەنە شىنىقتىرۋ دايىندىعى – وسى قاسيەتتەردىڭ بارلىعى جاس وفيسەرلەردىڭ بويىندا بار.