الماتىدا ۆەلوسپورتتان ازيا چەمپيوناتى: تۇرعىندار مەن جولاۋشىلارعا ىڭعايلى بولۋ ءۇشىن جارىس باعىتى بويىنشا كەرى قوزعالىس ۇيىمداستىرىلادى
الماتى قالاسىنىڭ الاتاۋ اۋدانىندا ۆەلوسپورتتان ازيا چەمپيوناتى كەزىندە كەيبىر جولداردا كەرى قوزعالىس ۇيىمداستىرىلاتىن بولادى، دەپ حابارلايدى almaty-akshamy.kz
الماتى ءوز تاريحىندا العاش رەت تاس جولدا ۆەلوسپورتتان ازيا چەمپيوناتىن وتكىزەدى. جارىس 5-12 ماۋسىمدا وتەدى.
جارىس باعدارلاماسى بويىنشا سايىس ەليتا، جاسوسپىرىمدەر، جاسوسپىرىمدەر جانە پاراسپورتشىلار اراسىندا وتەتىن بولادى. سونىمەن قاتار، مasters ساناتىنداعى ۆەلوشاباندوزدار اراسىندا دا جارىستار وتەدى.
6-12 ماۋسىم ارالىعىندا كونتينەنتتىك بىرىنشىلىك وتكىزىلەتىن جەرلەردە جولداردا قوزعالىس ءىشىنارا جابىلاتىن بولادى.
- 6، 7، 8 ماۋسىمدا ساعات 09:00-دەن 17:00-گە دەيىن ب.مومىش ۇلى كوشەسىنىڭ باتىس جاعىمەن سولتۇستىك باعىتتا «الماتى ارەنا» كەشەنىنەن ساين كوشەسىنە دەيىنگى جول ۋچاسكەسىندەگى قوزعالىس جابىلادى. جارىس «الماتى ارەنا» كەشەنىندە باستالادى، ودان كەيىن سپورتشىلار مادەنيەت شاعىن اۋدانىنا بۇرىلادى جانە مارە باستالاتىن نۇكتەگە. قالا تۇرعىندارى مەن قوعامدىق كولىك جولاۋشىلارىنا ىڭعايلى بولۋ ءۇشىن جولدىڭ شىعىس جاعىندا كەرى قوزعالىس ۇيىمداستىرىلادى.
- 9، 10، 11، 12 ماۋسىمدا ب.مومىش ۇلى كوشەسىنىڭ باتىس جاعىنداعى جول ۋچاسكەسىندەگى «الماتى ارەنا» كەشەنىنەن الماتى يندۋستريالىق ايماعىنا دەيىنگى قوزعالىس جابىلادى. قالا تۇرعىندارى مەن قوعامدىق كولىك جولاۋشىلارىنا ىڭعايلى بولۋ ءۇشىن جولدىڭ شىعىس جاعىندا كەرى قوزعالىس ۇيىمداستىرىلادى.
جولداردى جابۋ كەستەسى:
* 9 ماۋسىم 09:00-دەن 18:00-گە دەيىن
* 10 ماۋسىم 07:00-دەن 11:00-گە دەيىن؛ 12:00-دەن 16:30-عا دەيىن
* 11 ماۋسىم 07:00-دەن 13:00-گە دەيىن
* 12 ماۋسىم ساعات 9:00-دەن 14:30-عا دەيىن
قالا تۇرعىندارى مەن قوناقتارىنان ۋاقىتشا قولايسىزدىقتارعا تۇسىنىستىكپەن قاراۋدى جانە قوزعالىس باعىتىن الدىن الا جوسپارلاۋدى سۇرايمىز.
