الماتىدا جارىقتاندىرۋ جۇيەسى اۆتوماتتى باسقارۋعا كوشۋدە: جىل سوڭىنا دەيىن 800 سىرتقى جارىقتاندىرۋدى باسقارۋ شكافى جاڭارتىلادى
2025 جىلدىڭ سوڭىنا دەيىن الماتىدا سىرتقى جارىقتاندىرۋدى باسقارۋعا ارنالعان 1100 سىرتقى جارىقتاندىرۋدى باسقارۋ شكافىنىڭ 800ء-ى جاڭاسىنا اۋىستىرىلادى. بۇل تۋرالى «الماتى قالا جارىق» مكك باسشىسى يگور مىسيك مالىمدەدى.
«قالادا ەسكى باسقارۋ شكافتارىن جاڭاسىنا اۋىستىرۋ بەلسەندى تۇردە ءجۇرىپ جاتىر. جاڭا شكافتاردا ورناتىلعان زاماناۋي قۇرىلعىلار اپاتتىق سونۋلەردىڭ سانىن ازايتۋعا، اقاۋلاردى تەز انىقتاپ جويۋعا جانە جالپى سىرتقى جارىقتاندىرۋدىڭ ساپالى ءارى ءۇزىلىسسىز جۇمىس ىستەۋىن قامتاماسىز ەتۋگە مۇمكىندىك بەرەدى. بيىل 800 جاڭا سىرتقى جارىقتاندىرۋدى باسقارۋ شكافى ورناتىلادى. بۇعان دەيىن سونۋلەردىڭ 60 پايىزى ءدال وسى جابدىقتىڭ توزۋىنان بولعان»، – دەدى ول.
جارىقتاندىرۋ جۇيەسىنىڭ تاعى ءبىر ماڭىزدى باعىتى - ساۋلەتتىك-دەكوراتيۆتىك جارىق ورناتۋ. 2025 جىلى بۇل جۇيەمەن 70 عيمارات قامتىلادى. ولاردىڭ قاتارىندا قازۇۋ، قۇرمانعازى اتىنداعى كونسەرۆاتوريا، بالۋان شولاق اتىنداعى سپورت كەشەنى، تەمىرجول ۆوكزالدارى مەن «سۇڭقار» ترامپلين كەشەنى بار. ءقازىردىڭ وزىندە قازگيدرومەت، ارميا ءۇيى مەن اكىمدىكتەر عيماراتتارىنا جارىقتاندىرۋ ورناتىلعان.
ەسكە سالا كەتەيىك، بىلتىر تاريحي-مادەني 56 ەسكەرتكىشكە جارىق ورناتۋ جۇمىستارى اياقتالعان بولاتىن. 128 پروجەكتور قويىلىپ، 28 گۆاردياشى-پانفيلوۆشىلار ساياباعى دا جاڭارتىلدى: مۇندا 470 شام اۋىستىرىلىپ، 6 شاقىرىمنان استام كابەل تارتىلىپ، 450 اۆتوماتتى اجىراتقىش ورناتىلدى.