الماتىنىڭ جانارماي بەكەتتەرىن سالىق قىزمەتكەرلەرى تەكسەردى

تەكسەرۋ بارىسىندا 26 295 ليتر مازۋت كولەمىندەگى زاڭسىز ءونىم انىقتالدى.

الماتى قالاسى بويىنشا مەملەكەتتىك كىرىستەر دەپارتامەنتى اكسيزدىك تاۋارلاردىڭ كولەڭكەلى اينالىمىن انىقتاۋ ماقساتىندا اكسيزدىك تاۋارلار نارىعى سۋبەكتىلەرىنە تۇراقتى تۇردە تالداۋ جۇرگىزەدى، دەپ حابارلايدى Almaty-akshamy.kz

15 ماۋسىمدا ءبىر سالىق تولەۋشىگە تيەسىلى ەكى جانارماي قۇيۋ بەكەتىندە تاقىرىپتىق سالىقتىق تەكسەرۋ جۇرگىزۋ بارىسىندا جالپى كولەمى 26 295 ليتر مازۋت كولەمىندەگى مۇناي ونىمدەرىنىڭ زاڭسىز اينالىمى انىقتالدى.

تىركەلمەگەن رەزەرۆۋارلاردان مۇناي ونىمدەرىن ەسەپكە الۋ-باقىلاۋ قۇرىلعىلارىن (بقب) ورناتۋسىز ساقتاۋ جانە وتكىزۋ «مۇناي ونىمدەرىنىڭ جەكەلەگەن تۇرلەرىن ءوندىرۋ مەن اينالىمىن مەملەكەتتىك رەتتەۋ تۋرالى» زاڭدى بۇزۋ بولىپ تابىلادى»، - دەلىنگەن حابارلامادا.

قازاقستان رەسپۋبليكاسى «اكىمشىلىك قۇقىق بۇزۋشىلىق تۋرالى» كودەكسىنىڭ 281-بابىنىڭ 5 بولىگىندەگى 8 تارماعىندا كورسەتىلگەن بۇزۋشىلىق ءۇشىن اكىمشىلىك جاۋاپكەرشىلىك كوزدەلگەن.

«جوعارىدا اتالعان فاكتىلەر بويىنشا پروسەسسۋالدىق شەشىم قابىلداۋ ءۇشىن الماتى قالاسىنىڭ ادىلەت ورگاندارىنا بەرۋ جۇمىستارى جۇرگىزىلۋدە»، - دەلىنگەن حابارلامادا.

اكسيزدىك تاۋارلاردى زاڭسىز ساتۋدىڭ بارلىق قولدا بار فاكتىلەرى بويىنشا الماتى قالاسىنىڭ تۇرعىندارى الماتى قالاسى بويىنشا مەملەكەتتىك كىرىستەر دەپارتامەنتىنە ابىلاي حان داڭعىلى، 93/95، كاب. 417، انىقتامالار ءۇشىن تەلەفون: 8(727) 267-35-62.