ابىلاي حان داڭعىلى، 59/61 ءۇيدىڭ قابىرعاسىنا ءىلبىس (قار بارىسى) قايتا سالىندى.
ەسكە سالايىق، مامىر ايىنىڭ باسىندا ابىلاي حان داڭعىلى، 59/61 مەكەنجايىنداعى تۇرعىن ءۇيدىڭ قاسبەتىندەگى قار بارىسىنىڭ مۋرالى «Coca-cola قازاقستان» كومپانياسىنىڭ جارنامالىق مۋرالىنا اۋىسقان بولاتىن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«Coca-Cola قازاقستان» كومپانياسى تۇرعىنداردان كەشىرىم سۇراپ، مۋرال قايتا قالپىنا كەلتىرىلەتىنىن ايتتى.
الماتى اكىمى ەربولات دوسايەۆ المالى اۋدانىنىڭ تۇرعىندارىمەن كەزدەسۋ كەزىندە قالاداعى مۋرالدار ماسەلەسىنە قاتىستى ءوز ويىن بىلدىرگەن ەدى.
«قالاداعى مۋرالدارعا رەسمي مارتەبە بەرۋ قاجەت، ايتپەسە، مۋرالداردىڭ ماسەلەسى شەشىلمەيدى. قازىرگى تاڭدا الماتىنىڭ ديزاين-كودىن ازىرلەۋ جۇمىسى بىتۋگە جاقىن. وندا مۋرالدار جەكە بولادى، ال جارنامانى ورنالاستىرۋ مەن باسقا دا وزگەرىستەر قالالىق قۇرىلىس جانە ۋربانيستيكا باسقارماسىمەن كەلىسىلۋى ءتيىس»، - دەگەن بولاتىن ەربولات دوسايەۆ.