پوليسەيلەردىڭ قىزمەتتىك مودەلىن ەنگىزۋ
الماتىنىڭ جاڭا تۇرعىن ءۇي كەشەندەرىندە توعىز ۋچاسكەلىك پوليسيا بەكەتى پايدا بولادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسياسىنىڭ باستىعى قانات تايمەردەنوۆ الماتىدا پوليسەيلەردىڭ قىزمەتتىك مودەلىن ەنگىزۋ بويىنشا پيلوتتىق جوبا قالانىڭ الاتاۋ اۋدانىندا جۇزەگە اسىرىلىپ جاتقانىن ايتتى.
«پيلوتتىق جوبانى جۇزەگە اسىرۋ ءۇشىن قالاداعى ءبىر اۋدان انىقتالدى، بۇل – الماتى وبلىسىمەن شەكتەسەتىن الاتاۋ اۋدانى، نەگىزىنەن جەكە سەكتوردىڭ ۇيلەرى كوپ. ۆەدومستۆوارالىق توپ جۇمىس ىستەپ جاتىر، ول ءقازىر اقپارات جيناۋمەن جانە تالداۋمەن اينالىسىپ جاتىر. بۇل، ەڭ الدىمەن، ماسەلەنى شەشۋدىڭ كەشەندى ءتاسىلى، ماسەلەلەردىڭ كەسىرىنەن قىلمىستىق سالدار تۋىندايدى. قىزمەت مودەلى ماسەلەنىڭ كەشەندى شەشىمىن ۇسىنادى. مىسالى، تالداۋ بويىنشا، ءبىر جىل ىشىندە ءبىر كۆارتالدا كوشەدەگى قىلمىستار، كوبىنەسە بۇزاقىلىق، قاراقشىلىق ءجيى كەزدەسەدى. وسى ورامدا جۇرگىزىلگەن ساۋالناما اۋماقتىڭ جارىقتاندىرىلماعانىن، جاڭارتىلماعانىن، قاراۋسىز قالعان عيماراتتاردىڭ بار ەكەنىن كورسەتتى. جەرگىلىكتى اتقارۋشى ورگانداردىڭ وسى سالانى جاقسارتۋعا جانە جەتىلدىرۋگە ءتيىس قىزمەتتەرى قوسىلادى»، – دەپ تۇيىندەدى قانات تايمەردەنوۆ.
سونىمەن قاتار، الماتى قالاسى پد باسشىسى قازىرگى ۋاقىتتا قالانىڭ الاتاۋ، اۋەزوۆ، جەتىسۋ، ناۋرىزباي جانە تۇركسىب اۋداندارىنداعى جاڭا تۇرعىن ءۇي كەشەندەرىنىڭ ءبىرىنشى قاباتتارىندا ۋچاسكەلىك پوليسيا پۋنكتتەرى ءۇشىن توعىز ءۇي-جاي ساتىپ الىنىپ جاتقانىن ايتتى. سونداي-اق، قولدانىستاعى 41 مودۋلدىك پوليسيا بەكەتتەرىنە قوسىمشا جەتەۋى قوندىرىلادى.