وڭىرلىك كوممۋنيكاسيالار قىزمەتىنىڭ الاڭىندا الماتى قالاسىنىڭ يندۋستريالىق ايماعى باسشىلىعىنىڭ قاتىسۋىمەن بريفينگ ءوتتى.
بريفينگتە ءسوز سويلەگەن الماتىنىڭ يندۋستريالدى ايماعىنىڭ ديرەكتورى اليشەر ساتىبالدييەۆ ايا قاتىسۋشىلار سانى مەن تارتىلاتىن ينۆەستيسيالار كولەمى بويىنشا قر-داعى ەڭ ءىرى ايماق ەكەنىن اتاپ ءوتتى.
«ايا ءوڭىردىڭ ونەركاسىپتىك، الەۋمەتتىك جانە ەكونوميكالىق دامۋىنداعى وڭدەۋ ونەركاسىبىندەگى جوبالاردى ىسكە اسىرۋ ءۇشىن ينفراقۇرىلىمدىق قولداۋ كورسەتەتىن جانە ولاردى ورنالاستىرۋ ءۇشىن جەر ۋچاسكەلەرىن بەرەتىن ماڭىزدى قۇرال بولىپ تابىلادى"، - دەپ اتاپ ءوتتى ا. ساتىبالدييەۆ.
اعىمداعى جىلى الماتى يندۋستريالىق ايماعىنىڭ اۋماعىندا 565 جۇمىس ورنىن قۇرۋمەن 10 ينۆەستيسيالىق جوبا اشۋ جوسپارلانۋدا:
- «Telli Ondiris» - تۇرمىستىق حيميا جانە جەكە گيگيەنا قۇرالدارىن شىعاراتىن زاۋىت؛
- «روزان ازيا» - حالىقارالىق تولەم جۇيەلەرىنىڭ بانك كارتالارىن شىعاراتىن زاۋىت؛
- «Kapital Construction» - ارماتۋرالىق تور، كۆارس اگلومەراتتارى جانە ءپروفيلدى قۇبىرلار شىعاراتىن زاۋىت؛
- «جبي گارانت» - تولىق سيكلدى تەمىربەتون بۇيىمدارىن شىعاراتىن زاۋىت؛
- «Kazakhstan Mobility Engineering» - اۆتوموبيلدەرگە ارنالعان ەلەكتروندىق اۋديو جانە بەينە جابدىقتار شىعاراتىن زاۋىت؛
- «Vehicles Almaty» - اۆتوموبيل ورىندىقتارىن شىعاراتىن زاۋىت؛
- «اۆتوپلاستتەحنولودجي» - اۆتوموبيلدەرگە ارنالعان رەزەڭكە جانە پلاستيك بۇيىمدار شىعاراتىن زاۋىت؛
- «Astana Motors Engineering» - قويما ءۇي-جايلارى؛
- اۋدانى 5100 شارشى مەتر «Almaty Building & Co» كپ شاعىن ونەركاسىپتىك پاركى؛
- اۋدانى 3000 شارشى مەتر «Industrial Place» شاعىن ونەركاسىپتىك پاركى.
قۇرىلعان ساتتەن باستاپ الماتى يندۋستريالىق ايماعىنىڭ اۋماعىندا جالپى سوماسى 128،8 ملرد تەڭگەگە 30 جوبا ىسكە اسىرىلدى. كاسىپورىنداردا 3543 جۇمىس ورنى قۇرىلدى. وسى كەزەڭدە كومپانيالار 1 746 ملرد تەڭگەگە ءونىم ءوندىرىپ، 45،8 ملرد تەڭگەگە سالىق تولەدى.