وكق بريفينگىندە سويلەگەن سوزىندە الماتىنىڭ يندۋستريالىق ايماعىنىڭ ديرەكتورى اليشەر ساتىبالدييەۆ 2023 جىلى الماتىنىڭ يندۋستريالىق ايماعىنداعى كومپانيالار 796،6 ملرد تەڭگەگە ءونىم ءوندىرىپ، 9،2 ملرد تەڭگەگە سالىق تولەگەنىن اتاپ ءوتتى.
ونىڭ ايتۋىنشا، ءبىر جىل ىشىندە جالپى سوماسى 4،8 ملرد تەڭگەگە ءۇش ءىرى ونەركاسىپتىك كاسىپورىن ىسكە قوسىلىپ، 229 جۇمىس ورنى اشىلدى:
- «يرريگاتور قازاقستان» جشس-جوعارى قىسىمدى پوليەتيلەننەن، سونداي-اق تومەن قىسىمدى پوليەتيلەننەن جاسالعان پوليەتيلەن قۇبىرلارى مەن تامشى جەلىلەرىن شىعاراتىن زاۋىت؛
- «بسف» جشس-لاك-بوياۋ ونىمدەرىن شىعاراتىن زاۋىت؛
- «الەم تىنىسى» جشس-سالقىنداتقىش سۇيىقتىقتاردى وڭدەۋ جانە ءوندىرۋ زاۋىتى.
وڭىرلىك ۇيلەستىرۋ كەڭەسىنىڭ 9 وتىرىسىنىڭ قورىتىندىسى بويىنشا وتكەن جىلى يندۋستريالىق ايماققا قاتىسۋشىلاردىڭ تىزىلىمىنە جالپى جەكە ينۆەستيسيا سوماسى 305،1 ملرد تەڭگەنى قۇرايتىن جانە 5 933 جاڭا جۇمىس ورنىن قۇراتىن 32 جاڭا كومپانيا ەنگىزىلدى. الماتى يندۋستريالىق ايماعىنا بارلىعى 497،85 ملرد تەڭگەگە جوبالارى بار، 12 398 جۇمىس ورنىن قۇرىپ وتىرعان 91 كومپانيا قاتىسىپ وتىر.
الىشەر ساتىبالدييەۆ ءىرى جوبالار ماشينا جاساۋعا، قۇرىلىس ماتەريالدارىن وندىرۋگە، سونداي-اق ماكۋلاتۋرانى قايتا وڭدەۋگە باعىتتالعانىن اتاپ ءوتتى.