تاۋەلسىزدىكتىڭ 30 جىلدىعىنا وراي الماتى اكىمى باقىتجان ساعىنتايەۆ ۇلكەن ديامەترلى بولات دانەكەرلەنگەن قۇبىرلار شىعاراتىن زاۋىتتى ىسكە قوسۋ راسىمىنە قاتىستى، دەپ حابارلايدى اlmaty-akshamy.kz
قالا اكىمى باقىتجان ساعىنتايەۆ جۇمىسشىلار مەن زاۋىت باسشىلىعىن كەلە جاتقان تاۋەلسىزدىك كۇنىمەن قۇتتىقتادى، ونىڭ 30 جىلدىق مەرەيتويى ءاربىر قازاقستاندىقتىڭ جۇرەگىنە قىمبات. ول ەكى جىل بۇرىن يندۋستريالدى ايماقتىڭ جۇمىس قاعيداتتارى وزگەرگەنىن ەسكە سالدى. جوبالاردى ىسكە اسىرۋ ءۇشىن كاسىپكەرلەر مەن سالالىق وداقتاردىڭ باسشىلارى كىرەتىن قالانىڭ ىسكەرلىك كەڭەسى ىرىكتەيدى جانە بەكىتەدى.
«وسىنداي تاسىلدەمەنىڭ ارقاسىندا ءبىز توقتاپ تۇرعان جوبالاردى جوققا شىعاردىق جانە پەرسپەكتيۆالى وندىرىستەردى ىسكە اسىرۋعا مۇمكىندىك بەردىك. ەڭ ءىرى زاۋىتتاردىڭ ءبىرىنىڭ ىسكە قوسىلۋى جاڭا جۇمىس ورىندارىن اشۋعا جانە قالا ەكونوميكاسىن نىعايتۋعا مۇمكىندىك بەردى»، - دەدى باقىتجان ساعىنتايەۆ جانە زاۋىت جۇمىسشىلارىنا تابىس تىلەدى.
ديامەترى 355 مم-دەن 1420 مم-گە دەيىنگى بولات دانەكەرلەنگەن قۇبىرلاردى ءوندىرۋ جوباسىن «Asia Steel Pipe Corporation» ج ش س جۇزەگە اسىردى.
ءونىم مۇناي، گاز، سۋ جانە مۇناي ونىمدەرىن تاسىمالداۋعا ارنالعان. سونىمەن قاتار، قۇبىرلاردى تاۋ-كەن، قۇرىلىس، حيميا ونەركاسىبى، ەنەرگەتيكا سالالارىندا پايدالانۋعا بولادى. سونداي-اق، كاسىپورىندا كورروزياعا قارسى جابىندار ءوندىرىسى جولعا قويىلعان.
جوبانىڭ قۇنى 33 ملرد تەڭگەنى قۇرايدى. زاۋىتتا 304 تۇراقتى جۇمىس ورنى قۇرىلدى. جوبالىق قۋاتتىلىعى – جىلىنا 100 مىڭ توننا قۇبىر ءونىمى. جوبانى جۇزەگە اسىرۋ ءۇشىن الماتى يندۋستريالدى ايماعىندا 18،2 گا جەر تەلىمى ءبولىندى.
ايا قاتىسۋشىلارى 63 كومپانيا، 239 ملرد تەڭگەگە 65 جوبا، 7 788 جۇمىس ورنى قۇرىلادى.
بۇگىندە جالپى سوماسى 112،7 ملرد تەڭگەگە، 2 957 جۇمىس ورنىن قۇرۋمەن 18 جوبا ىسكە اسىرىلدى.
