ۆاكسينا الماعاندار ءۇشىن 5 كۇندىك كارانتين قايتا ەنگىزىلەدى.
يتالياداعى توتەنشە جاعداي رەجيمى 2022 جىلدىڭ 31 ناۋرىزىنا دەيىن ۇزارتىلدى، دەپ حابارلايدى Almaty-akshamy.kz
يتاليانىڭ دەنساۋلىق ساقتاۋ ءمينيسترى روبەرتو سپەرانسا ەۋرووداق ەلدەرىنەن يتالياعا كەلگەندەر كوروناۆيرۋسقا بايلانىستى تەست تاپسىرۋ قاجەت وكىمگە قول قويدى. ۆاكسينا الماعاندار ءۇشىن 5 كۇندىك كارانتين قايتا ەنگىزىلەدى. ەۋروپا ەلدەرىنە كىرمەيتىن اۋماقتان كەلۋشىلەر ءۇشىن شەكتەۋلەر اۆتوماتتى تۇردە ۇزارتىلادى. بۇل شارالار كەم دەگەندە 31 قاڭتارعا دەيىن كۇشىندە بولادى. 15 جەلتوقساننان باستاپ مىندەتتى ەكپە تالاپتارى مەكتەپ جانە پوليسيا قىزمەتكەرلەرى ءۇشىن ەنگىزىلمەك.