«يندۋستريالىق ايماق-الماتى» ج ش س ديرەكتورى ءادىل امرالين وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا يندۋستريالىق ايماقتىڭ 2021 جىلعى قىزمەتىنىڭ قورىتىندىلارى تۋرالى ايتىپ بەردى، دەپ حابارلايدى اlmaty-akshamy.kz
ونىڭ مالىمەتىنشە، ىسكە قوسىلعان جەتى جوبانىڭ جالپى قۇنى 48 ميلليارد تەڭگەدەن استى، 749 جۇمىس ورنى اشىلدى. جاقىن كۇندەرى 65 جۇمىس ورنىن قۇرۋمەن جالپى سوماسى 4،6 ملرد.تەڭگەگە «قاز-ديا-تەست» ءجشس-نىڭ تاعى ءبىر جوباسى ىسكە قوسىلادى.
ءادىل امرالين قۇرىلعان ءاربىر ءوندىرىس تۋرالى ەگجەي-تەگجەيلى ايتىپ بەردى. مىسالى، وسى جىلدىڭ اقپان ايىندا قۇنى 11،3 ملرد تەڭگەدەن اساتىن مىس جانە اليۋمينيي سوزبا سىم شىعاراتىن ەۋرازيالىق مەتاللۋرگيا زاۋىتى («KMK Investment» ج ش س) العاشقىلاردىڭ ءبىرى بولىپ اشىلدى.
«كاسىپورىندا قوسىمشا 80 جۇمىس ورنى قۇرىلدى، ال ونىڭ وندىرىستىك قۋاتى جىل سايىن 25 000 توننادان استام ءونىمدى قۇرايدى. ايتا كەتۋ كەرەك، ەۋرازيالىق ەنەرگوكومبينات بىردەن بىرنەشە ءوندىرىستى قامتيدى. ءبىرىنشى كەزەڭدە 2018 جىلدىڭ قىركۇيەگىندە ينۆەستيسيالىق كومپانيا ءوندىرىس قۋاتتىلىعى جىلىنا 100 000 كم كابەلدەن اساتىن ەۆرازكابەل كابەلدىك-وتكىزگىش ونىمدەرىن شىعاراتىن زاۋىتتى ىسكە قوستى»، - دەدى الماتىداعى يا ديرەكتورى.
كەيىنگى جىلدارى ينۆەستيسيالىق كومپانيا الماتى يندۋستريالىق ايماعىندا پوليەتيلەندەر مەن پروپيلەندەر، قورىتپالاردان جاسالعان اسا جەڭىل كابەلدىك ناۋالار ءوندىرىسىن ىسكە قوسۋدى، سونداي-اق يننوۆاسيالىق ازىرلەمەلەر سالاسىنداعى عىلىمي-زەرتتەۋ ينستيتۋتىن اشۋدى جوسپارلاپ وتىر.
استانا كۇنىنە وراي الماتىنىڭ يندۋستريالدى ايماعىندا اۆتوكلاۆتى گازوبەتون وندىرەتىن ەكى كاسىپورىن – «سك راحات» ج ش س جانە «گ.س.گ. ۆىسوتنيك» ج ش س ىسكە قوسىلدى. قازىرگى ۋاقىتتا ەكى كاسىپورىن الەۋمەتتىك جانە كوممەرسيالىق تۇرعىن ءۇيدىڭ ءىرى قۇرىلىس سالۋشىلارىن ساپالى قۇرىلىس ماتەريالدارىمەن قامتاماسىز ەتەدى. «سك راحات» ج ش س ءوندىرىسىنىڭ ءبىرىنشى كەزەڭىنىڭ قۇرىلىسىنا 1،5 ملرد تەڭگە ينۆەستيسيا سالىندى. كاسىپورىندا جىلىنا 180 مىڭ تەكشە مەتر ءونىم شىعارۋ جوسپارلانىپ وتىر، 40 جاڭا جۇمىس ورنى اشىلدى. «گ.س.گ. ۆىسوتنيك» ج ش س ينۆەستيسيا سوماسى 1،4 ملرد تەڭگەدەن استى. ءوندىرىس قۋاتتىلىعى جىلىنا 100-120 مىڭ تەكشە مەتردەن استام ءونىم شىعارادى، 85 جاڭا جۇمىس ورنى اشىلدى.
تاۋەلسىزدىكتىڭ 30 جىلدىعىنا وراي يندۋستريالىق ايماقتا ەڭ ءىرى ونەركاسىپتىك نىسان – ۇلكەن ديامەترلى بولات دانەكەرلەنگەن قۇبىرلار شىعاراتىن «Asia Steel Pipe Corporation» ج ش س زاۋىتى ىسكە قوسىلدى. كاسىپورىننىڭ ءونىمى مۇناي، گاز، سۋ، مۇناي ونىمدەرىن تاسىمالداۋعا ارنالعان جانە ونى تاۋ-كەن، قۇرىلىس، حيميا ونەركاسىبىندە، ەنەرگەتيكادا پايدالانۋعا بولادى. سونداي-اق، كورروزياعا قارسى جابىندار ءوندىرىسى جولعا قويىلعان. زاۋىتتا 304 تۇراقتى جۇمىس ورنى قۇرىلدى. جوبالىق قۋاتتىلىعى جىلىنا 100 مىڭ توننا قۇبىر ونىمدەرىن قۇرايدى.
جىل سوڭىنا دەيىن يندۋستريالىق ايماقتا «قاز-ديا-تەست» ج ش س مەديسينالىق دياگنوستيكالىق تەست-جۇيەلەرىن شىعاراتىن زاۋىت اشۋ جوسپارلانۋدا. كومپانيا ينفەكسيالىق جانە ونكولوگيالىق اۋرۋلارعا جەدەل تەستتەر جۇرگىزۋدى، قورەكتىك ورتالاردىڭ العاشقى وتاندىق، سەريالىق ونەركاسىپتىك ءوندىرىسىن دامىتۋدى جوسپارلاپ وتىر.
ءسوزىنىڭ سوڭىندا ءادىل امرالين شاعىن جانە ورتا بيزنەستى جۇرگىزۋگە ارنالعان ەڭ ۇزدىك فورماتتاردىڭ ءبىرى – شاعىن وندىرىستىك پاركتەردى ىسكە اسىرۋ جونىندەگى جوبا تۋرالى ايتىپ بەردى.
«ولار يندۋستريالدى ايماقتا دا، الماتى قالاسىندا دا اشىلدى. بيىل الاتاۋ اۋدانىندا «Asia Prom Textile» ج ش س جانە يندۋستريالدى ايماقتا «ADS Industries» ج ش س ەكى وندىرىستىك پارك ىسكە قوسىلدى، ينۆەستيسيا سوماسى 500 ملن تەڭگەدەن استام، 170 جۇمىس ورنى اشىلدى»، - دەپ تولىقتىردى ءادىل امرالين.
2021 جىلدىڭ سوڭىنا دەيىن قوسىمشا 3 ونەركاسىپتىك پارك ىسكە قوسىلادى، ونىڭ ىشىندە يندۋستريالىق ايماق اۋماعىندا «ALAESTATE» ج ش س جانە «KazStroyTrade» ج ش س جانە تۇركسىب اۋدانىندا «CityBus» ج ش س، جالپى ينۆەستيسيا سوماسى 980 ملن تەڭگە، 235 جۇمىس ورنى اشىلادى. بۇگىنگى كۇنى الماتىنىڭ ونەركاسىپتىك پاركتەرىندەگى ءوندىرىس ورىندارىنىڭ جالپى الاڭى 17 435 شارشى مەتردى قۇرايدى، ينۆەستيسيالاردىڭ جالپى سوماسى 1،2 ملرد تەڭگە جانە 424 جۇمىس ورنى قۇرىلدى.