الماتىدا وتاندىق ءونىم شىعارۋدى جالعاستىرادى، دەپ اتاپ ءوتتى يندۋستريالدى ايماقتىڭ ديرەكتورى ءادىل امرالين
وندىرىستىك كاسىپورىندارعا سالىنعان ينۆەستيسيالاردىڭ جالپى سوماسى 7،2 ميلليارد تەڭگەنى قۇرايدى. كومپانيالاردىڭ ارقاسىندا جۇزدەگەن جۇمىس ورنى اشىلادى، دەپ حابارلايدى Almaty-akshamy.kz
ءادىل امرالين وتكەن اپتادا الماتىدا قالا اكىمى باقىتجان ساعىنتايەۆتىڭ قاتىسۋىمەن وڭىرلىك ۇيلەستىرۋ كەڭەسىنىڭ وتىرىسى وتكەنىن اتاپ ءوتتى. ءىس-شارا قورىتىندىسى بويىنشا يندۋستريالىق ايماق قاتىسۋشىلارىنىڭ تىزىلىمىنە 3 جاڭا جوبانى ەنگىزۋ قابىلداندى. ولاردىڭ ىشىندە «Halavet KZ» - جەلاتين وندىرەتىن زاۋىت قۇرىلىسى بويىنشا، «Green Innovation-2030» - وسىمدىكتەردى ميكروكلونالدى كوبەيتۋدىڭ جوعارى تەحنولوگيالىق زەرتحاناسىن قۇرۋ بويىنشا جانە «الماتى اۋىر ماشينا جاساۋ زاۋىتى» - اۋىر ماشينا جاساۋ زاۋىتىن سالۋ بويىنشا.
2021 جىلى وڭىرلىك ۇيلەستىرۋ كەڭەسىنىڭ 4 وتىرىسى وتكىزىلدى، وندا 2،5 مىڭنان استام جۇمىس ورنىن قۇرا وتىرىپ، جالپى سوماسى 71 ملرد تەڭگەگە 22 جاڭا جوبانى قوسۋ تۋرالى شەشىم قابىلداندى. جاڭا كاسىپورىندار سالۋ ءۇشىن بيىل جالپى اۋدانى 58،8 گەكتار جەر تەلىمدەرى ءبولىندى. بۇل نەگىزىنەن تاماق ونەركاسىبى، قۇرىلىس ماتەريالدارىن ءوندىرۋ، ماشينا جاساۋ جانە وڭدەۋ ونەركاسىبى سالالارىنداعى كاسىپورىندار.
وسىلايشا، الماتى يندۋستريالىق ايماعىنىڭ قاتىسۋشىلارى 65 كومپانيا بولىپ تابىلادى، ولار 8163 جۇمىس ورنىن قۇرۋمەن 258،4 ملرد تەڭگەگە 67 جوبانى ىسكە اسىرادى. بۇگىندە 19 جوبا ىسكە اسىرىلدى، 282،8 ملرد تەڭگەنىڭ ءونىمى ءوندىرىلدى، 3177 جۇمىس ورنى قۇرىلدى.
ايا ديرەكتورى 2022 جىلى 9 جوبانى ىسكە قوسۋ جوسپارلانىپ وتىرعانىن حابارلادى: VALTHERM، «كاما قازاقستان ءسۇ»، «الەم تىنىسى» City Stone، TEPLOSTIL، Stroy Production، TECHNOKONT، «كازپرومۆەنت»، «ەلەكتروبار»، جالپى سوماسى 7،2 ملرد تەڭگە، 507 جۇمىس ورنى اشىلادى.
قوسىمشا الداعى جىلى 3 شاعىن ونەركاسىپتىك پاركتى ىسكە قوسۋ جوسپارلانۋدا: D&J «Investments & Logistic»، «Qazaq Plast» ج ش س، Alatau Industrial Park، سونداي-اق جالپى اۋدانى 21 300 ش.م.، 380 جۇمىس ورنىن قۇرۋمەن جۇمىس ىستەپ تۇرعان «ADS Industries» جانە «KazStroyTrade» مكپ ەكىنشى كەزەڭدەرى.
2025 جىلعا دەيىن جالپى ينۆەستيسيا سوماسى 130،8 ملرد تەڭگە بولاتىن، 4034 جۇمىس ورنى اشىلاتىن 35 جوبانى ىسكە اسىرۋ جوسپارلانعان.
ءادىل امرالين بۇگىندە الماتىنىڭ يندۋستريالدى ايماعى اۋماعىنىڭ جالپى الاڭى 490 گەكتاردى قۇرايتىنىن ەسكە سالدى. ينۆەستيسيالىق جوبالاردى ىسكە اسىرۋ ءۇشىن 244،9 گا، 81،1 گا جەر ءبولىندى.