الماتىنىڭ يندۋستريالدى ايماعىندا 2023 جىلعا دەيىن ءتورت جاڭا وندىرىستىك پارك پەن پوليەتيلەندى وڭدەۋ زاۋىتىن ىسكە قوسۋ جوسپارلانۋدا. بۇل تۋرالى مەگاپوليس اكىمى باقىتجان ساعىنتايەۆتىڭ توراعالىعىمەن وتكەن وڭىرلىك ۇيلەستىرۋ كەڭەسىنىڭ وتىرىسى بارىسىندا بەلگىلى بولدى، دەپ حابارالايدى almaty-akshamy.kz
الەۋەتتى ينۆەستورلار 2،5 ملرد تەڭگەدەن استام ينۆەستيسيا سالۋعا دايىن، ولاردىڭ ءبىر بولىگىن «Almaty Finance» ج ش س قارجىلاندىرادى.
شاعىن كاسىپكەرلىك سۋبەكتىلەرى وندىرىستىك پاركتەردە رولل پەردەلەردى، جيھازدىق سكوبتاردى، گيدراۆليكالىق قوسالقى بولشەكتەردى، رادياسيالىق باقىلاۋ سالاسىنداعى ولشەۋ قۇرالدارىن، اشىق سپورتتىق جابدىقتاردى، فانەرلەردى، اعاش ماتەريالدارىن، لاميناتتى، كوۆروليندى، ەسىك-تەرەزەلەردى، اس ءۇي مەن توڭازىتقىش جابدىقتارىن، كيىم، اياق كيىم، توقىما، سونداي-اق اس ءۇي، كەڭسە جانە جۇمساق جيھازداردى شىعاراتىن بولادى.
جاڭا وندىرىستىك پاركتەردىڭ جالپى اۋدانى 25 مىڭ شارشى مەتردەن اسادى، مۇندا 760 جاڭا جۇمىس ورنىن قۇرۋ جوسپارلانۋدا. الماتىدا بارلىعى 11 شاعىن وندىرىستىك پارك ىسكە قوسىلدى، ونىڭ ىشىندە اۋداندارداعى 5 وندىرىستىك پارك بار. ولار – «بروتماستەر» ج ش س، «Ala Estate»ج ش س، Samruk Group ج ش س، CityBus ج ش س، AsiaProm Textile ج ش س، جالپى الاڭى 17 مىڭ شارشى مەتردەن اسادى. يندۋستريالدى ايماقتا تاعى 6 شاعىن وندىرىستىك پاكتەر قۇرىلعان، ولار – «Ala Estate»ج ش س، «ADS Industries» ج ش س، «KazStroyTrade» ج ش س، «D&J Investments & Logistic» ج ش س، «Qazaq Plast» ج ش س، «التىن داۋرەن بيزنەس» ج ش س، بۇلاردىڭ جالپى الاڭى 31،2 مىڭ شارشى مەتردەن استام.
بۇگىندە شاعىن ونەركاسىپتىك پاركتەر سۋسىندار، قۇرىلىس ماتەريالدارى، قاعاز ونىمدەرى، دەزينفەكسيالاۋشى زاتتار، كومبينەزون، مەتالل كونسترۋكسيالار، جيھاز، گالانتەرەيا، تۇرمىستىق حيميا، كەڭسە تاۋارلارى، ماسكالار مەن ازىق-تۇلىك قاپتامالارىن شىعارادى.
الماتىدا جاڭا جوبالاردى ەسكەرە وتىرىپ، 2022 جىلعا قاراي 5،9 ملرد تەڭگە ينۆەستيسيا قۇيىلاتىن 15 شاعىن ونەركاسىپتىك پارك جۇمىس ىستەيتىن بولادى، ولاردىڭ الاڭى 73 763 شارشى مەتردى قۇرايدى، وسىنىڭ ارقاسىندا ءبىر جارىم مىڭنان استام جۇمىس ورنى قۇرىلادى.
وۇك قاتىسۋشىلار الماتىنىڭ يندۋستريالدى ايماعىنىڭ اۋماعىندا پوليەتيلەندى وڭدەيتىن زاۋىت قۇرىلىسىنىڭ جوباسىن قارادى. «Best-Plust Products» ج ش س 2023 جىلعا قاراي جىلىنا 400 ميلليون دانا پوليەتيلەن پاكەت شىعاراتىن كاسىپورىندى ىسكە قوسادى. 35 جۇمىس ورنىن اشۋ جوسپارلانۋدا. كومپانيا قالدىقتاردى قايتا وڭدەيتىن «Green Recycle» زاۋىتىمەن پوليەتيلەن قالدىقتارىن جيناۋ تجونىندەگى مەموراندۋمعا قول قويدى. وندىرىستەگى قايتا وڭدەلەتىن پوليەتيلەننەن جاسالاتىن ءونىمنىڭ ۇلەسى 30%-عا دەيىن بولادى.
