الماتىدا قالا كۇنىنە وراي «KITAP FEST 2021» كىتاپ فەستيۆالى وتەدى. وعان، ۇيىمداستىرۋشىلاردىڭ ايتۋىنشا، شامامەن 500 ادام قاتىسادى، دەپ حابارلايدى almaty-akshamy.kz
KitapFest - بۇل 2014 جىلدان باستاپ وتكىزىلىپ كەلە جاتقان ءداستۇرلى كىتاپ فەستيۆالى. 7 جىل ىشىندە رەسپۋبليكالىق زياتكەرلىك پلاتفورماعا اينالدى.
شارا 25 قىركۇيەك كۇنى «فورۋم» ساۋدا ورتالىعىندا وتەدى. ۇيىمداستىرۋشىلاردىڭ ايتۋىنشا، بيىل فەستيۆال پاندەمياعا بايلانىستى شەكتەۋلى فورماتتا وتەدى.
كەلۋشىلەر سانى 500-دەن اسپايدى.
كىرۋ شارتتارى: ASHYQ قوسىمشاسىندا «جاسىل» ستاتۋس بولۋى كەرەك. مىندەتتى تۇردە ماسكا رەجيمى ساقتالادى.
فەستيۆال اياسىندا دارىستەر، جازۋشىلارمەن كەزدەسۋ، كىتاپتاردىڭ تۇساۋكەسەرلەرى مەن بايقاۋلار وتەدى.
